वीर सावरकर आणि बाळासाहेब ठाकरेंना भारतरत्न का दिला नाही; ‘सामना’तून मोदी सरकारला सवाल

पद्म पुरस्कार मिळालेले बहुसंख्य संघ परिवाराशी संबंधित

महाराष्ट्र आणि देशात ज्यांना नागरी पुरस्कार मिळाले त्यात बहुसंख्य हे संघ परिवाराशी संबंधित आहेत. कर्नाटकचे कॉंग्रेस नेते एस. एम. कृष्णा यांना मरणोत्तर पद्म पुरस्कार देण्यात आला. कर्नाटकातील ‘वोक्कालिगा’ समाजावर प्रभाव टाकण्यासाठी कृष्णा यांचा गौरव केला गेला, असे सांगितले जाते. कर्नाटकात विधानसभा निवडणुकांचे वारे वाहत आहेत. त्यासाठी हा खटाटोप करण्यात आला. अनेकजण संघ परिवाराशी संबधित असले तरी आक्षेप घेण्याचे कारण नाही. रमेश पतंगे, भिकुजी इदाते यांचा सन्मान योग्यच आहे. गडचिरोलीच्या झाडीपट्टी रंगभूमीचा कलावंत परशुराम खुणे यांचाही सन्मान सुखावणारा असल्याचे अग्रलेखात म्हटले आहे.