Tej Police Times
जुन्नर : जुन्नर तालुक्यातील राजुरी परिसरातून एक धक्कादायक घटना समोर आली आहे. दशक्रिया विधीवरून घरी परतत असताना एका व्यक्तीचा अपघाती मृत्यू झाला आहे. एका भरधाव डंपरने सायकलला जोरात धडक दिल्यामुळे हा अपघात झाला. या अपघातात डंपरच्या चाकाखाली आल्याने लक्ष्मण शिवराम हाडवळे (वय ७५, रा. उंचखडक, राजुरी) यांनी आपले प्राण गमावले. या घटनेने गावावर शोककळा पसरली असून डंपर चालकाविरुद्ध पोलीस ठाण्यात गुन्हा दाखल करण्यात आला आहे.
वीजबिलात प्रचंड वाढ होणार; महावितरणने दिला तब्बल ३७ टक्के दरवाढीचा प्रस्ताव, शेतकऱ्यांनाही धक्का
याबाबत महेश ज्ञानदेव कणसे यांनी फिर्याद दिली असून त्यावरून डंपरचालक गणेश दत्तात्रय हाडवळे याच्याविरुद्ध गुन्हा दाखल करण्यात आला आहे. अचानक घडलेल्या या घटनेमुळे उंच खडक परिसरात चालकाविरोधात रोष निर्माण झाला होता.
दरम्यान, घटनेची माहिती मिळताच पोलिसांनी घटनास्थळी धाव घेत परिस्थिती नियंत्रणात आणली. डंपर चालकाविरोधात गुन्हा दाखल करण्यात आला असून या प्रकरणाचा पुढील तपास आळेफाटा पोलीस करत आहेत.