Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
कार्डियाक अरेस्टमुळे ज्युनिअर एनटीआरचा भाऊ रुग्णालयात; चालता-चालता अचानकच कोसळला लोकप्रिय अभिनेता
शुक्रवारी तारक त्याचा आतेभाऊ नारा लोकेश यांच्या युवगलम पदयात्रेमध्ये सहभागी झालेला. यावेळी तो कोसळला आणि बेशुद्ध पडला. ही पदयात्रा सुरू झाल्यानंतर लोकेश यांनी कुप्पम परिसरातील मशिदीत नमाज अदा केला आणि यावेळी त्यांच्यासोबत तारकही उपस्थित होता. शिवाय काही टीडीपी कार्यकर्तेही त्यांच्यासोबत होते. लोकेश मशिदीतून बाहेर पडल्यावर त्यांना त्याठिकाणी मोठा गोंधळ ऐकू आला, तेव्हा माहीत पडले की अभिनेत्याला अचानक चक्कर आली आहे. कुप्पममधील रुग्णालयामध्येच तारकला भरती करण्यात आले असून, त्याठिकाणी उपचार सुरू आहेत.
हे वाचा-हे फक्त पुण्यातच होऊ शकतं! पुणेरी पगडी अन् शाल अशा पेहरावात दिसला बिग बॉस फेम अब्दू रोझिक
एसपी चित्तूर यांनी दिलेल्या माहितीनुसार, तारक या पदयात्रेमध्ये चालक असताना कार्डियाक अरेस्टमुळे तो बेशुद्ध होऊन कोसळला. त्याला जवळच्याच एका रुग्णालयात भरती करण्यात आलेले. तेव्हा समोर आलेल्या माहितीनुसार अभिनेत्याची परिस्थिती गंभीर होती. मात्र अभिनेते बाळकृष्ण यांनी तारकला भेटून लेटेस्ट अपडेट शेअर केले.
टाइम्स ऑफ इंडियाशी बोलताना बालकृष्ण यांनी माहिती दिली की आता त्याची तब्येत ठीक आहे. त्याच्यावर प्राथमिक उपचार करण्यात आले असून तो पूर्णपणे डॉक्टरांच्या देखरेखीखाली आहे. चिंतेचे कोणतेही कारण नाही. त्यांनी असेही सांगितले की डॉक्टरांकडून असा सल्ला मिळाला की त्याला बंगळुरू याठिकाणी रुग्णालयात शिफ्ट केले जावे. त्याला हृदयविकाराचा झटका आला होता.
हे वाचा-पठाणला बॉलिवूडची नव्हे तर बॉलिवूडला ‘पठाण’ची होती गरज! या कारणांमुळे शाहरुखच्या सिनेमाचं होतंय कौतुक
कोण आहे तारक रत्न ?
नंदामुरी तारक रत्न असे या अभिनेत्याचे पूर्ण नाव असून तो लोकप्रिय नंदामुरी कुटुंबाचा सदस्य आहे. तेलुगू सिनेमामध्ये कार्यरत असणाऱ्या तारकने २००३ साली उकाटो नंबरमधून पदार्पण केलेले. त्यानंतर अनेक सिनेमांमध्ये तो खलनायिकी भूमिका साकारताना दिसला.