प्रमोशन न करता ३०० कोटी कसे कमावले? शाहरुख खानने सांगून टाकली स्ट्रॅटर्जी!

शाहरुख ट्विटरच्या माध्यमातून AskSRK हे सेशन करतो. ज्याअंतर्गत चाहते त्याला काही प्रश्न विचारतात आणि ट्विटरवरच SRK त्यांना दिलखुलास उत्तरं देतो. अनेकदा त्याने दिलेली उत्तरं फारच मजेशीर असतात. २८ जानेवारी रोजी शाहरुखला या ट्विटर सेशनमध्ये एका चाहत्याने विचारलं की, ‘शाहरुख देशभरात कोणतेही प्रमोशन न करता, रीलिजआधी कोणतीही मुलाखत दिल्याशिवायही पठाण एवढी डरकाळी कशी काय फोडतो आहे? #BoxOfficeCollection’. दरम्यान ज्या शब्दात शाहरुखच्या चाहत्याने त्याला प्रश्न विचारला तशाच शब्दात किंग खानने त्याला उत्तरही दिलं.

हे वाचा-गौहर खानने पापाराझींशी अस्खलित मराठीत मारल्या गप्पा, म्हणाली- ‘मी पुण्याची आहे…’

काय म्हणाला शाहरुख?

शाहरुखने या चाहत्याला उत्तर देताना असं ट्वीट केलं की, ‘मी असा विचार केला की सिंह कधी मुलाखत देत नाही तर यावेळी मीही नाही देणार! केवळ जंगलामध्ये येऊन पाहा. #Pathaan.’ शाहरुखच्या या रिप्लायवर चाहत्यांच्याही अनेक प्रतिक्रिया आहेत. त्याने कडक उत्तर दिल्याच्या कमेंट्स काही चाहत्यांनी केल्यात. तर काहींना शाहरुखचे हजरजबाबी उत्तर आवडले.

AskSRK या ट्विटर सेशनमध्ये शाहरुखने इतरही काही मजेशीर उत्तरं दिली आहेत. एकाने शाहरुखचा फोटो शेअर करत विचारले की, एवढा सेक्सी कसा काय दिसू शकतोस? त्यावर उत्तर देताना शाहरुखने म्हटले की, ‘काय करू आता सवयच झाली आहे, हाहाहा… खरंतर पाहणाऱ्याच्या दृष्टीवर अवलंबून असते ही गोष्ट.’ यावेळी काही चाहत्यांनी ‘पठाण’ पाहण्यासाठी गर्दी केल्याचे व्हिडिओही शेअर केलेत. त्यांना उत्तर देताना शाहरुखने आभार व्यक्त केली, शिवाय गर्दीच्या ठिकाणी काळजी घेण्याचेही आवाहन केले.