मित्राला घरी सोडायला कार घेऊन निघाले, पण वाटेतच घडला अपघात, दोन मित्र ठार

बुलढाणाः बुलढाणा जिल्ह्यातील समस्त चिखलीकरांसाठी ३० जानेवारीची सकाळ काळजाचा थरकाप उडवणारी बातमी घेऊन उजाडली आहे. चिखली येथील माजी नगरसेवक गोपाल देव्हडे यांचे लहान बंधु सुनील देव्हडे यांच्यासह आणखी एकाच अपघातात जागेवरच मृत्यू झाला आहे. तर तिघे गंभीर जखमी झाले आहेत. (buldhana accident news)

चिखली साकेगाव रस्त्यावरील वाघापूरजवळ आज ३० जानेवारीच्या पहाटे तीनच्या सुमारास अपघात झाल्याचे वृत्त आहे. प्राप्त माहितीनुसार सुनील किसनराव देव्हडे (३३), हर्षद पांडे (३०) अशी अपघातात ठार झाल्याची नावे आहेत. तर यश वाधवानी आणि आकाश चिंचोले दोघे राहणार चिखली आणि पप्पू राजपूत राहणार साकेगाव तालुका चिखली अशी अपघातात गंभीर जखमी झालेल्यांची नावे आहेत. अपघातातील मृतक आणि जखमी एकमेकांचे जिवलग मित्र होते.

वाचाः आधी कोंडून ठेवले, नंतर नग्न करुन मारहाण; पुण्यात जन्मदातीचे मुलांसोबत अमानुष कृत्य

साकेगावच्या पप्पू राजपूतला घरी सोडण्यासाठी स्विफ्ट डिझायर गाडीने पाचही जण साकेगावला पप्पू राजपूत याला सोडायला जात होते. वाघापूरजवळ कारवरील नियंत्रण सुटल्याने कार रस्त्याच्या खाली असलेल्या पळसाच्या झाडावर आदळली. अपघात इतका भीषण होता की झाडही जमिनीतून मुळासकट उखडले. या भीषण अपघातात सुनील देव्हडे आणि हर्षद पांडे या दोघांचा जागीच मृत्यू झाला. तर यश वाधवानी आकाश चिंचोले, पप्पू राजपूत गंभीर जखमी झाले.

वाचाः ही कोणती विकृती; नाशिकमध्ये जन्मदात्या आईसोबतच केले लज्जास्पद कृत्य, रात्रीच्या अंधारात…

घटनेची माहिती मिळताच चिखली पोलिसांनी घटनास्थळी पोहोचून पंचनामा केला. तर, तिघा जखमींना उपचारांसाठी रुग्णालयात दाखल करण्यात आले असून. दोघांचे मृतदेह उत्तरीय तपासणीसाठी चिखलीच्या उपजिल्हा सामान्य रुग्णालयात नेले आले आहेत. या अपघाताने चिखली परिसरात शोककळा पसरली आहे.

वाचाः पोटनिवडणुकीच्या रणधुमाळीत भाजपकडून आचारसंहितेचा भंग झाल्याची चर्चा; नेमकं काय घडलं?