मला पॅड लावायला लागायचे, मिळालेला ब्रेस्ट सर्जरीचा सल्ला…समीरा रेड्डीने सांगितलं बॉलिवूडचं सत्य

हेही वाचा – प्रेक्षकांनी ‘गंगुबाई’ला आहे तसं स्वीकारलं! बॉडी शेमिंगच्या मुद्द्यावर निर्मिती सावंत

मिड-डेला दिलेल्या मुलाखतीत समीराने सांगितलं, की माझा सर्वात मोठा ब्रेकडाउन प्रेग्नेंसीनंतर झाला. मी माझ्या शरीराबद्दल, करिअरबद्दल अतिशय वाईट विचार करू लागली होती. अशा अंधारात मी गेली होती जिथून पुन्हा परतणं कठीण होतं. मी घरात लपून होती, कोणाशीही मी बोलत नव्हती. माझी मानसिक स्थितीही ठिक नसल्याचं तिने सांगितलं.

हेही वाचा – अभिनेत्रीने शिक्षणासाठी सोडलं बॉलिवूड, आज गुगलमध्ये मोठ्या पदावर कार्यरत

समीराने या मुलाखतीमध्ये सांगितलं, की मला या नकारात्मक विचारांतून बाहेर पडण्यासाठी दोन-तीन वर्ष लागली. मी यातून बाहेर पडल्यानंतर सर्वात आधी माझं ध्येय माझ्यासारख्या मानसिकदृष्ट्या संघर्ष करणाऱ्या व्यक्तीला मदत करायची आहे असं होतं.

ब्रेस्ट सर्जरीचा सल्ला

वाढलेल्या वजनावरुन अनेकांकडून ट्रोल केलं जात असताना समीराने सांगितलं, की त्यावेळी मी पूर्ण दिवस उपाशी राहत होती आणि एक इडली खात होती, जेणेकरुन वजन वाढू नये. अनेकांनी मला त्यावेळी चेहऱ्याची सर्जरी करण्याचाही सल्ला दिला होता. जवळपास १० वर्षांपूर्वी एक असा विचित्र काळ होता, जेव्हा इंडस्ट्रीतील अनेकजण प्लास्टिक सर्जरी करत होता. मला माझ्या ब्रेस्टसाठी नेहमी पॅड लावायला लागायचे, त्यावेळी मला नेहमी ब्रेस्ट सर्जरी करण्याचा सल्ला दिला जात होता.

लोकांच्या बोलण्यावरुन अनेकदा मी ब्रेस्ट सर्जरी करण्याचाही विचार केला. पण मी सर्जरी केली नाही आणि यासाठी मी देवाचे आभार मानते असंही ती म्हणाली.