Tej Police Times
नवी दिल्ली- वेब सीरिज ‘२४’मध्ये एफबीआय एजंट रेनी वॉकरची दमदार भूमिका साकारणारी हॉलिवूड अभिनेत्री अॅनी वर्शिंग यांचे रविवारी निधन झाले. त्या ४५ वर्षांच्या होत्या. अभिनेत्रीच्या प्रवक्त्याने सांगितले की अॅनी यांनी २९ जानेवारीला सकाळी लॉस अँजेलिस येथे अखेरचा श्वास घेतला. त्या दीर्घकाळापासून कर्करोगाने त्रस्त होत्या. मात्र, त्यांना कोणता कर्करोग झाला आहे, हे प्रवक्त्याने स्पष्ट केले नाही.
सेंट लुईस, मिसूरी येथे वाढलेली वर्शिंगने तिच्या दोन दशकांच्या अभिनय कारकिर्दीत अनेक टेलिव्हिजन कार्यक्रमांमध्ये दिसली. यात ‘स्टार ट्रेक: एण्टरप्राइज’, ‘२४’, ‘बॉश’, ‘द व्हॅम्पायर डायरीज’, ‘रनवे’, ‘द रुकी’ आणि ‘स्टार ट्रेक: पिकार्ड.’ या मालिकांचा समावेश आहे.
२०२० मध्ये झालं कर्करोगाचं निदान
अॅनी वर्शिंगला २०२० मध्ये कर्करोग झाल्याचं निदान झालं. तिच्या पश्चात पती व तीन मुले असा परिवार आहे. अभिनेत्रीच्या मृत्यूने सर्वांनाच धक्का बसला आहे. सिनेसृष्टीतही तिच्या जाण्याने शोककळा पसरली आहे.