तुझं वय सांगून गोची करणार नाही… केदार शिंदे यांनी केलेली पोस्ट ठरतेय चर्चेचा विषय

केदार यांनी अंकुशचा एक लेटेस्ट फोटो पोस्ट केला आहे. ज्यामध्ये शाहीर साबळेंच्या फोटोजवळ हसऱ्या चेहऱ्याने उभा असणारा अंकुश दिसतो आहे. लांबलचक कॅप्शन देत केदार यांनी मित्राला शुभेच्छा देताना असे लिहिले की, ‘प्रिय अंकुश वाढदिवसाच्या शुभेच्छा मित्रा. आपण तीन-साडेतीन वर्षांचे असल्यापासून मित्र आहोत. नेमकी किती वर्ष झाली हे सांगून तुझ्या वयाची गोची करणार नाही. कारण, कितीही वयाचा झालास तरी तू चॉकलेट बॉय आहेस किती तरी जणींचा! पण आपण दोघंही आयुष्याच्या अत्यंत महत्वाच्या वळणावर उभे आहोत.’

हे वाचा-मेहंदी रंगली गं! वनिता खरातच्या घरी लगीनघाई; ‘महाराष्ट्राची हास्यजत्रा’ टीमचा धुमाकुळ

केदार शिंदे दिग्दर्शत ‘महाराष्ट्र शाहीर’ सिनेमा येत्या २८ एप्रिल रोजी प्रदर्शित होणार असून अंकुश आणि केदार यांची लेक सना शिंदे या सिनेमात मुख्य भूमिकेत आहे. केदार यांनी शेअर केलेल्या पोस्टमध्ये पुढे लिहिले की, ‘महाराष्ट्र शाहीरसारखं शिवधनुष्य मी पेलतोय ते माझ्या टीमच्या मदतीने! पण यात तुझा सहभाग अत्यंत महत्वाचा आहे. तू कधीच बाबांसारखा दिसत नाहीस मात्र आता तूच मला बाबांसारखा आहेस. एडिट बघताना नातू म्हणून कितीतरी वेळा गळा भरून येतो. कारण तू त्यांच्या कॅरेक्टरचा अंतरआत्मा पकडला आहेस. २८ एप्रिल रोजी रसिकांना तुझं काम पहायला मिळेल. अंकुशसारखा नसणारा अंकुश चौधरी पाहायला मिळेल. आपण म्हटलं तर खूप कमी कामं एकत्र केली, पण तुझ्यासोबत काम करण्याचा आनंद मिळाला अशीच कामं केली. शाहीर या भूमिकेने तू रसिकांच्या मनामनात पोहोचावास आणि पारितोषिके तुझ्या घरादारात यावीत हीच स्वामींच्या चरणी प्रार्थना. लव्ह यू अंकी’.

दरम्यान ‘वयाची गोजी करणार नाही’ असं म्हणत केदार यांनी जरी अंकुशचं वय लपवलं असलं तरी तुम्हाला माहितेय का अंकुश किती वर्षांचा झाला आहे? यावर्षी अंकुशने पन्नाशी गाठली आहे.