फेब्रुवारी महिन्यात कशी असेल मार्केटची वाटचाल? पाहा बजेटचा प्रभाव, ‘या’ राशींना होणार धमाल नफा

फेब्रुवारी महिना सर्व राशीच्या लोकांसाठी आणि आर्थिक बाबतीत खूप खास असणार आहे. खरे तर २०२३ चा अर्थसंकल्प याच महिन्यात येणार आहे आणि संपूर्ण देशाचेच नाही तर संपूर्ण जगाचे लक्ष या बजेटकडे आहे. २०२३ चा हा पर्व अशा वेळी येत आहे जेव्हा शनी कुंभ राशीत असेल आणि भौतिक सुखांवर परिणाम करणारा शुक्र ग्रह शनीच्या बरोबर कुंभ राशीत असेल आणि गुरु त्याच्या मीन राशीत असेल. ज्योतिषी अभिषेक केडिया यांच्याकडून जाणून घेऊया फेब्रुवारी महिन्यात मार्केटची आणि बजेटची स्थिती कशी असेल.

ज्योतिषीय मूल्यांकन दर्शविते की फेब्रुवारी २०२३ मध्ये, बजेटसह, बाजारातील अनेक क्षेत्रांमध्ये खरेदी आणि विक्रीचा वेग वाढेल. एकूणच बाजार सकारात्मक म्हणता येईल. अर्थसंकल्पादरम्यान शनी महाराज कुंभ राशीत असतील, जे ज्येष्ठ नागरिक आणि अर्थव्यवस्थेने त्रस्त असलेल्या लोकांना अर्थसंकल्पात दिलासा देण्याचे काम करतील. भारताच्या वृषभ राशीच्या कुंडलीमध्ये, कुंभ दहाव्या स्थानी आहे, जो देशाला नवीन युगाकडे घेऊन जाईल.

• बँकिंग क्षेत्र, संरक्षण क्षेत्र आणि उत्पादन क्षेत्रात या महिन्यात चांगली कमाई होण्याची शक्यता दिसत आहे.
• नोकरी क्षेत्र किंवा सेवा क्षेत्राबद्दल बोलायचे तर या क्षेत्रांशी संबंधित लोकांना या महिन्यात थोडा दिलासा मिळू शकतो.
• कर आकारणीच्या दृष्टीने हा अर्थसंकल्प मध्यमवर्गीयांसाठी चांगला असणार आहे.
• आयकरातील बदलाचा शेअर बाजारावर चांगला परिणाम होईल.
• कमोडिटी मार्केटमध्ये सोने-चांदीची तेजी दिसणार नाही. अशा परिस्थितीत सोने-चांदी खरेदीसाठी घाई करण्याची गरज नाही.
• ज्येष्ठ नागरिकांसाठी यंदाचा अर्थसंकल्प उत्साहवर्धक ठरणार आहे. त्यांना आनंद होऊ शकतो.

ग्रहांची स्थिती

या महिन्यात सूर्य मकर राशीतून कुंभ राशीत प्रवेश करेल आणि शनिशी युती करेल. ही युती या वर्षातील शनि-रविची शेवटची युती असेल. पुढे जाऊन, एप्रिल महिन्यात सूर्य राहूशी युती करेल, जे दर्शवते की या बजेटनंतर लोकं फार उत्साही नसतील. शनि-रवि आणि नंतर रवि-राहूचा संयोगामुळे केंद्र सरकार आणि रिझर्व्ह बँकेत कोणत्याही मोठ्या निर्णयावर एकमत होणार नसल्याचे दिसून येते. या महिन्यात, कोणत्याही राशीच्या लोकांनी खरेदीसाठी सूर्य संक्रांतीपर्यंत थांबावे असा सल्ला दिला जातो. ७ फेब्रुवारी ते १८ फेब्रुवारी दरम्यान बाजारात बरेच चढ-उतार असतील. या महिन्यात शुक्रवारी शेअर खरेदी करणे कोणत्याही राशीसाठी चांगले असू शकते.

या राशीच्या लोकांना होणार मोठा फायदा

मेष, मिथुन, कर्क आणि धनु या चार राशींसाठी फेब्रुवारी महिना खास फायदेशीर ठरेल. घाईगडबडीत नव्हे तर संयमाने निर्णय घ्यावा असा सल्ला आहे.