Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
मुंबई : बॉलिवूडमध्ये अनेक कलाकारांची मुलं देखील त्यांच्या पालकांप्रमाणे प्रसिद्धीच्या झोतात असतात, ते देखील बातम्यांमध्ये असतात. शाहरुख खानची मुलगा सुहाना असो, काजोलची मुलगी न्यासा असो अथवा करीना कपूरचा मुलगा तैमूर असो वा जहांगीर हे कायम चर्चेत असतात.या कलाकारांची मुलं देखील कायमच चर्चेत असतात. त्यांचे देखील सोशल मीडियावर देखील खूप चाहते आहेत… प ण असेही काही कलाकार आहेत, त्यांची मुलं प्रसिद्धीच्या झोतापासून दूर आहेत. त्यातील एक कलाकार म्हणजे अभिनेता संजय दत्त. संजय आणि मान्यताची मुलं प्रसिद्धीपासून दूर आहेत.
अभिनेता संजय दत्त याची मान्यता ही तिसरी बायको आहे. संजय आणि मान्यता यांना शेहरान आणि इकारा ही दोन मुलं आहेत. संजय आणि मान्यतानं त्यांच्या दोन्ही मुलांना कायमच प्रसिद्धीपासून दूर ठेवलं आहे. संजय आणि मान्यता त्यांच्या मुलांचे फोटो सोशल मीडियावर शेअर करत असतात. संजय आणि मान्यताचा मुलगा शेहरान हा अगदी संजयसारखा दिसतो. मोठा झाल्यानंतर शेहरान जर बॉलिवूडमध्ये आला तर नवल वाटायला नको. परंतु सध्या तरी शेहरान कराटे शिकत आहे. त्यात त्याला खूपच इंटरेस्ट आहे. अनेक स्पर्धांमध्ये शेहरान सहभागी झाला असून त्यात त्यानं अनेक बक्षिसे मिळवत आहे.
संजय आणि मान्यता दत्त यांच्यामध्ये २१ वर्षांचं अंतर आहे. परंतु त्या दोघांच्या नात्यामध्ये वयाचा अडसर कधीच आला नाही. मान्यता आणि संजय यांनी ७ फेब्रुवारी २००८ ला लग्न केलं. लग्नावेळी मान्यता २९ वर्षांची होती तर संजय ५० वर्षांचा होता. लग्नानंतर २०१० मध्ये त्यांना शेहरान आणि इकरा ही जुळी मुलं झाली. मान्यता सोशल मीडियावर तिच्या कुटुंबाचे सुंदर फोटो शेअर करत असते. मान्यता उत्तम गृहीण आहे तसेच ती संजय दत्तची निर्मिती संस्था देखील सांभाळत असून ती कंपनीची सीईओ आहे.
संजयच्या कामाबाबत सांगायचं तर लवकरच मुन्नाभाईचा तिसरा भाग येणार आहे. त्या सिनेमात संजय आणि अर्शदची जोडी पुन्हा एकदा मोठ्या पडद्यावर धुमाकूळ घालण्यासाठी सज्ज झाले आहेत.. काह दिवसांपूर्वी सोशल मीडियावर संजय दत्त आणि अर्शद वारसी यांनी पोस्ट शेअर केली आहे. हे पोस्टर शेअर करताना त्यांनी सिनेमाचं नाव गुलदस्त्यात ठेवलं आहे. आता हा सिनेमाचं नाव काय आहे, याची सर्वांना उत्सुकता लागली आहे.