Video- प्राजक्ता माळीने दागिन्यांचा अख्खा बॉक्स दिल्यानंतर अशी होती वनिता खरातची रिअॅक्शन

काय दिलं प्राजक्तानं

वनिता खरात उद्या म्हणजे २ फेब्रुवारी रोजी बॉयफ्रेंड सुमीत लोंढेशी लग्न करत आहे. वनिताच्या लग्नापूर्वी प्राजक्तानं तिच्या लाडक्या मैत्रिणीला खास गिफ्ट देत तिचा आनंद द्विगुणित केला. प्राजक्तानं तिच्या इन्स्टाग्राम अकाउंटवर एक व्हिडिओ शेअर केला. यावेळी प्राजक्ताने वनिताला तिच्या ब्रँडचे म्हणजे ‘प्राजक्तराज’चे दागिने भेट म्हणून दिले.

अभिनेत्रीने वनिताला सोनसळीचा सेट भेटीदाखल दिला. वनिता हे दागिने पाहून प्रचंड आनंदित झालेली. तिला प्राजक्तानं दिलेले हे दागिने फारच आवडले. यावेळी प्राजक्ताने वनिताने तिच्या लग्नात ‘प्राजक्तराज’चे दागिने घालावे अशी इच्छा व्यक्त केली. वनिताच्या लग्नाआधीचे लग्नविधी उत्साहात पार पडल्या. कालच वनिताच्या हातावर मेंदी काढण्यात आली. त्याचे फोटो, व्हिडिओ तिनं सोशल मीडियावर शेअर केले. वनिताने तिच्या मेंदीचे फोटो शेअर केले त्या फोटोंवर ‘सुमितवाणी’ असा हॅशटॅग दिला.

प्राजक्ताने काही दिवसांपूर्वी ‘प्राजक्तराज’ हा दागिन्यांचा ब्रँड सुरू केला. पारंपरिक मराठमोळ्या दागिन्यांना पुन्हा एकदा नवसंजीवनी देण्याचं काम ‘प्राजक्ताराज’च्या माध्यमातून प्राजक्ता करत आहे. तर वनिता खरातला ‘महाराष्ट्राची हास्यजत्रा’ कार्यक्रमामुळे लोकप्रियता मिळाली आहे. वनिता सतत सोशल मीडियाच्या माध्यमातून चाहत्यांच्या संपर्कात असते. वनिताने न्यूड फोटोशूट करत खळबळ उडवून दिली होती. काहींनी अभिनेत्रीचं कौतुक केलं होतं, तर काहींनी तिच्यावर टीका केली होती.