Digital Library: सर्व शाळा डिजिटल लायब्ररीने जोडणार, विद्यार्थ्यांना कसा होणार फायदा? जाणून घ्या

डिजिटल लायब्ररी म्हणजे काय?

नावाप्रमाणेच, डिजिटल लायब्ररी ही एक लायब्ररी आहे जिथे पुस्तके डिजिटल किंवा इलेक्ट्रॉनिक स्वरूपात उपस्थित असतात. ही पुस्तके इलेक्ट्रॉनिक उपकरणांच्या मदतीनेच मिळवता येतात. डिजिटल लायब्ररीला ऑनलाइन लायब्ररी आणि इंटरनेट लायब्ररी असेही म्हणतात. डिजिटल लायब्ररीची सर्वात खास गोष्ट म्हणजे वाचक जगाच्या कोणत्याही कोपऱ्यात बसून ही पुस्तके वाचू शकतात. देशात अधिकाधिक लोक या क्षेत्राकडे आकर्षित होत आहेत, प्रत्येक नागरिकापर्यंत डिजिटल लायब्ररी उपलब्ध करून देणे हे या कल्पनेमागचे उद्दीष्ट आहे.

Education Budget 2023: अधिक शैक्षणिक बजेट, मजबूत डिजिटल शिक्षण आणि कर सवलत; अर्थमंत्र्यांकडून खूप साऱ्या अपेक्षा
केंद्रीय अर्थमंत्री निर्मला सितारमन यांच्या शिक्षणाविषयी जाणून घ्या

डिजिटल लायब्ररीमुळे विद्यार्थ्यांना मदत

इंटरनेटच्या मदतीने विद्यार्थी कुठेही डिजिटल लायब्ररीमध्ये प्रवेश करू शकतात. कोणत्याही इतर लायब्ररीच्या तुलनेत डिजिटल लायब्ररीमध्ये अमर्याद जागा आहे. या लायब्ररीमध्ये जगभरातील जवळपास सर्व पुस्तके डिजिटल स्वरूपात असतील जी वाचकांना कोणत्याही ठिकाणाहून पाहता येतील.

डिजिटल लायब्ररीमुळे विद्यार्थ्यांना पुस्तक मिळविण्यासाठी कुठेही जाण्याची गरज नसून घरबसल्या पुस्तके वाचता येणार आहे. लवकरच डिजिटल लायब्ररी सर्व विद्यार्थ्यांना उपलब्ध करून दिली जाईल असे अर्थसंकल्पाच्या घोषणेदरम्यान अर्थमंत्री निर्मला सीतारामन यांनी सांगितले. साहित्यापासून भूगोलापर्यंतची सर्व पुस्तके येथे उपलब्ध करून दिली जातील.
Education Budget 2023: १५७ नवीन महाविद्यालये आणि ८ हजार शिक्षक-कर्मचार्‍यांची भरती, अर्थमंत्र्यांची मोठी घोषणा