Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
मुंबई: मराठी तसंच हिंदी सिनेविश्वात अभिनेता सिद्धार्थ जाधव या मराठमोळ्या कलाकाराने महत्त्वाचं स्थान पटकावलं आहे. अभिनयाची छाप सोडणारा सिद्धू लवकरच विजय सेतूपतीसोबत दाक्षिणात्य सिनेमातही दिसेल. याशिवाय तो स्टार प्रवाहवर ‘होऊ द्या धिंगाणा’ या कार्यक्रमाचं सूत्रसंचालन करतो. एकंदरितच मराठी सिनेविश्वातील सर्वाधिक व्यग्र असणाऱ्या अभिनेत्यांमध्ये ‘आपला सिद्धू’चं नाव अग्रक्रमाने घ्यावं लागेल. एवढ्या व्यग्र शेड्यूलदरम्यान सिद्धार्थ सोशल मीडियावर सक्रिय आहे आणि तो त्याच्या मुलींसोबत खास व्हिडिओही शेअर करतो. अलीकडेच त्याने लग्नाविषयी भाष्य करणारा एक व्हिडिओ पोस्ट केलाय.
हे वाचा-आज बोहल्यावर चढणार वनिता खरात! स्वत:च्या हळदीमध्ये केला बेभान डान्स
सिद्धार्थने लग्नाविषयी जे रील बनवलं आहे त्यात असं वाक्य आहे की, ‘मित्रांनो आयुष्यात तीन गोष्टी कधीही करू नका. घरच्यांच्या पसंतीने लग्न, स्वत:च्या मर्जीने लग्न आणि लग्न…’ सिद्धार्थच्या या रीलवर चाहत्यांच्याही मजेशीर प्रतिक्रिया आल्यात.
हे वाचा- तो परत आलाय! ‘पठाण’नंतर शाहरुखचा ‘जवान’ करणार धमाका; खतरनाक लूक व्हायरल
काही दिवसांपूर्वी सिद्धार्थ त्याची पत्नी तृप्तीसोबत घटस्फोट घेत असल्याच्या चर्चांना उधाण आले होते. तृप्तीने सोशल मीडियावरुन जाधव हे आडनाव हटवून केवळ माहेरचे अक्कलवार हे आडनाव लावल्याने या चर्चा अधिक रंगल्या. इतकंच नाही तर तृप्ती काही दिवसांपासून वेगळी राहत असल्याचेही समोर आलेले. मात्र तृप्ती-सिद्धार्थमध्ये सारं काही आलबेल नसल्याच्या चर्चा होत असताना सिद्धार्थने मात्र एका वेबसाइटशी बोलताना ‘आमच्यात सर्व ठीक आहे’ अशी प्रतिक्रिया दिलेली. शिवाय त्याने लेकी आणि पत्नीसोबत एक फोटो इन्स्टाग्रामवर शेअर करत या बातम्यांना पूर्णविराम दिला होता.
सिद्धार्थ आणि त्याची पत्नी तृप्ती यांच्या नात्यामध्ये तणाव असल्याच्या बातम्या समोर येत असताना अभिनेत्याने त्याची मुलगी स्वरा हिच्या वाढदिवसाचे काही फोटो शेअर केले होते. ज्यामध्ये त्याच्या मुलींसह पत्नी तृप्तीही होती.