आधीच दोन प्रेग्नंट बायका, तिसरीला लग्न करून घरी आणलं… युट्यूबरचा व्हिडिओ पाहून नेटकऱ्यांचा संताप

मुंबई: लोकप्रिय युट्यूबर अरमान मलिक आणि त्याच्या दोन बायका, हा नेहमीच सोशल मीडियावर चर्चेचा विषय ठरतो. क्रितिका मलिक आणि पायल मलिक या त्याच्या दोन बायका. हे तिघंही युट्यूबर आहेत. सोशल मीडियावर त्यांच्या व्हिडिओंची प्रचडं चर्चा सुरू असते.या व्हिडिओत हे तिघंही सुखानं नांदताना दिसतात. इतकंच नव्हे तर आता या दोन्ही बायका एकत्र गरोदर आहेत. त्यामुळं हे युट्यूबर्स चांगलेच चर्चेत आले आहेत.

युट्यूबर असल्यानं लाइक्स आणि व्ह्यूजसाठी ही मंडळी काय काय करतील याचा नेम नाही. दोन बायका, पहिल्या बायकोला एक मुलगा आणि दोन्ही बायका पुन्हा प्रेग्नंट …हे असं असताना हे मलिक कुटुंब व्ह्यूजसाठी वाट्टेल ते करताना दिसतं. काही कारण नसताना थाटा माटात पुन्हा पुन्हा लग्नं करणं, खोटी भांडणं यामुळं त्यांचे व्हिडिओ चांगलेच व्हायरल होतात. पण आता अरमान मलिक यानं असा काही व्हिडिओ शेअर केलाय त्यामुळं नेटकरी मात्र प्रचंड संतापले आहेत.

काही दिवसांपूर्वी अरमान मलिक यानं एका तरुणीसोबत रील व्हिडिओ शेअर केला होता आणि हा व्हिडिओ शेअर करताना ‘माझी तिसरी बायको’, असं लिहिलं होतं. त्यामुळं नेटकऱ्यांनी संताप व्यक्त केला होता. आता पुन्हा एकदा अरमान मलिकच्या तिसऱ्या लग्नाची चर्चा होताना दिसतेय. अरमान त्याच्या तिसऱ्या बायकोला घरी घेऊन आल्याचा व्हिडिओ सध्या सोशल मीडियावर तुफान व्हायरल होतोय.

चिरायु पायल मलिकच्या फेसबुक अकाऊंटवरून हा व्हिडिओ शेअर करण्यात आलाय. पायल आणि क्रितीका घरी असताना अरमान त्याच्या तिसऱ्या बायकोला घरी घेऊन येतो. अरमानला तिसऱ्या बायकोसोबत पाहून पायल प्रचंड भडकते आणि क्रितीकाला बोलवते.

अरमानच्या तिसऱ्या बायकोला पाहून क्रितीका आणि पायल दोघींचाही पारा चढलेला असतो. दोघींही त्या तिसऱ्या बायकोला सुनावतात. पायल आणि क्रितीकाची तब्येतही बिघडते. यानंतर मात्र अरमान खरं काय ते सांगू टाकतो. हा एक प्रॅंक होता, गंमत गेल्याचं तो सांगतो.

हा एक प्रॅंक असला तरी, सोशल मीडियावर मात्र या मलिक कुटुंबावर प्रचंड टीका करण्यात येत आहे.