करण जोहरच्या मुलांची बर्थडे पार्टी, चर्चा मात्र अंबानींच्या थोरल्या सुनेची, इतका महागडा ड्रेस की वाचून येईल चक्कर

मुंबई: देशातील सर्वात उद्योगपती घराण्‍यापैकी एक म्हणजे अंबानी यांचं कुटुंब. देशातल्या श्रीमंत व्यक्तींच्या यादीतलं हे नाव. त्यामुळं त्यांच्या उद्योगसमुहाची, त्यांच्या कुटुंबातील प्रत्येक व्यक्तीची चर्चा होताना दिसते. नुकताच मुकेश अंबानी यांच्या धाकट्या लेकाचा म्हणजेच अनंत अंबानी याचा साखरपुडा पार पडला. यावेळीही शाही साखरपुड्याची, साखरपुड्यासाठी अंबानी कुटुंबियांनी परिधान केलेल्या कपड्यांची प्रचंड चर्चा झाली. आता चर्चा होतेय अंबानी कुटुंबाची थोरली सून श्लोका अंबानी हिच्या एका साध्या ड्रेसची.

दिग्दर्शक करण जोहर याच्या मुलांचा , यश आणि रुही यांच्या बर्थडेपार्टीत श्लोकानं नुकतीच हजेरी लावली होती. या पार्टीत श्लोका लेक पृथ्वीला घेऊन पोहोचली होती. श्लोकानं डार्क निळ्या रंगाचा मॅक्सी ड्रेस घातला होता. दिसायला जरी साधा वाटत असला तरी या ड्रेसची किंमत लाखोंमध्ये आहे. होय, श्लोकाचा हा ड्रेस इतका महाग आहे की, यात लेटेस्ट आयफोनही खरेदी करू शकता. नाही तर एखादी बॅंकॉक ट्रीप तर नक्कीच होईल.

यश आणि रुहीच्या बर्थडे पार्टीचे अनेक फोटो, व्हिडिओ सध्या सोशल मीडियावर व्हायरल झाले आहेत. या पार्टीला करिना कपूर खान, शिल्पा शेट्टी, गौरी खान, मीरा कपूर , सोहा अली खान या अभिनेत्री त्यांच्या मुलांसोबत पोहोचल्या होत्या. पण चर्चा होतेय ती श्लोकाच्या ड्रेसची. श्लोकानं मल्टीकलर फ्लोरल प्रिंटेड वनपीस ड्रेस घातला होता. या मॅक्सी ड्रेसमध्ये रफल्ड स्लीव्स सोबत मिनिमम एम्ब्रॉयडरी करण्यात आली होती. या साध्या वाटणाऱ्या ड्रेसची किंमत वाचून तुम्हाला चक्कर आल्याशिवाय राहणार नाही. हा ड्रेस Chloe या लग्झरी ब्रॅंडचा आगे. या ड्रेसची किंमत हजारांमध्ये नव्हे तर लाखांमध्ये आहे. श्लोकाचा हा ड्रेस तब्बल १, ४८,३५६ रुपयांचा आहे. म्हणजे जवळपास दीड लाखांचा हा ड्रेस आहे.

अनंत अंबानी आणि राधिका मर्चंट यांच्या साखरपुड्यालाही श्लोका मेहता अंबानीची हिचीच चर्चा पाहायला मिळाली होती. यावेळी श्लोकानं पांढऱ्या आणि फिकट गुलाबी रंगाचा लेहेंंगा परिधान केला होता.यावेळी अंबानीच्या थोरल्या सुनबाईंनी या लुकला साजेसे असे दागिने परिधान केले होते. हिरे आणि सोन्यापासून तयार केलेले दागिने परिधान केले. यावेळी श्लोकानं चोकर परिधान केला होता..