Tej Police Times
तुळजापूरः श्री श्री रविशंकर यांच्या कार्यक्रमात संभाजी ब्रिगेडच्या कार्यकर्त्यांनी गोंधळ घातल्याचा प्रकार घडला आहे. श्री.श्री. रविशंकर हे सध्या महाराष्ट्रात आहेत तुळजापूर येथे त्यांचा जागर भक्तीचा कार्यक्रम सुरू होता. त्याचवेळी हा प्रकार घडला आहे.
वाचाः मुंबईवर दहशतवादी हल्ल्याची धमकी; तालिबानी असल्याचा दावा करत NIAला धमकीचा मेल
पोलीसांनी संभाजी ब्रिगेडच्या कार्यकर्त्यांना ताब्यात घेतले आहे. श्री श्री रविशंकर यांनी छत्रपती शिवाजी महाराज व रामदास स्वामी यांच्याबाबत प्रसारित केलेल्या चित्रफितीवर संभाजी ब्रिगेडचा आक्षेप होता. त्यामुळंच संभाजी ब्रिगेड यांनी रविशंकर यांच्या कार्यक्रमात निषेध व्यक्त केला. रामदास स्वामी नव्हे तर तुकाराम महाराज छत्रपती शिवरायांचे गुरु आहेत, श्री श्री रविशंकर यांनी माफी मागावी, अशी मागणीही त्यांनी केली. मात्र श्री श्री रविशंकर हे तुळजा भवानीच्या दर्शनाला गेले असता पोलीसानी संभाजी ब्रिगेडचे जिल्हा अध्यक्ष शरद पडवळ यांचे मनोमिलन केले.
वाचाः सर्वसामान्यांचा चहा महागणार! गोवर्धन, अमूलने दूधाचे भाव वाढवले; आजपासून नवे दर लागू