Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
लवंगी मिरची
झी मराठीवरून लवंगी मिरची लवकरच प्रसारित होणार आहे. ही मालिका राधाम्मा कुथुरू या तेलगू मालिकेवर आधारीत आहे. तेलगूमध्ये अभिनेत्री दिप्ती मानेने प्रमुख भूमिका साकारली होती. तर मराठीत प्रमुख भूमिकेत शिवानी बोरकर दिसणार आहे. दाक्षिणात्य भाषेत ही मालिका गाजली होती. याचमुळे वाहिनीने त्याचा मराठीत रिमेक करण्याचा निर्णय घेतला. सध्या या मालिकेचे प्रोमो प्रसारित केले जात आहेत.
शुभविवाह
स्टार प्रवाहवरून ‘शुभविवाह’ ही मालिका अलिकडेच सुरू झाली आहे. या मालिकेत यशोमन आपटे, कुंजलिका काळवीट, मधुरा देशपांडे, विशाखा सुभेदार यांच्या प्रमुख भूमिका आहेत. मालिकेची नायिका भूमीला बहिणीच्या सुखासाठी मानसिक दिव्यांग असलेल्या मुलाशी लग्न करावं लागतं. त्याआधी आणि त्यानंतर आलेल्या अडचणींवर आधारीत ही मालिका आहे. शुभविवाह ही मालिका तेलगू भाषेतील चेलेली कापुरम (Chelleli Kaapuram) या मालिकेवर आधारीत आहे. शुभविवाह या मालिकेला प्रेक्षकांनी आतापर्यंत तरी चांगला प्रतिसाद दिला आहे.
रमा राघव
कन्नड टीव्हीवरील रामचारी ही सर्वात लोकप्रिय मालिका आहे. त्या मालिकेचा मराठी रिमेक म्हणजे रमा राघव. रामचारी या मूळ मालिकेत ऋत्विक कृपाकर आणि मौना गुड्डेमाने यांच्या प्रमुख भूमिका होत्या. तर रमा राघव या मराठी मालिकेतत ऐश्वर्या साठे आणि निखील दामले हे प्रमुख भूमिकेत आहेत. ही मालिका कलर्स मराठी वाहिनीवरून प्रसारित होत आहे.
सातव्या मुलीची सातवी मुलगी
झी मराठीवरून प्रसारित होणारी सातव्या मुलीची सातवी मुलगी या मालिकेचं कथान गूढ असल्यानं प्रेक्षकांची पसंती मिळाली आहे. मालिकेत तितीक्षा तावडेने नेत्रा ही मुख्य भूमिका साकारली आहे. नेत्राला त्रिनयाना देवीचं वरदान असल्यानं तिला भविष्यात येणाऱ्या संकटाची चाहूल आधीच लागते. नेत्राला असलेल्या या वरदानामुळे तिच्यावर काय संकटं येतात ते या मालिकेत दाखवलं आहे. ही मालिका बंगाली आणि तेलगू मालिका त्रिनयनावर आधारीत आहे.
ठरलं तर मग
जुई गडकरी आणि अमिता भानुशाली यांच्या मुख्य भूमिका असलेली ही मालिका स्टार प्रवाहवरून अलिकडेच सुरू झाली आहे. ठरलं तर मग ही मालिका तमिळ टीव्हीवरील रोजा या मालिकेवर आधारीत आहे. रोजा या मूळ मालिकेत प्रियांका नालकरी आणि शुभम सूर्यन यांच्या प्रमुख भूमिका होत्य. ही मालिकता २०२२ मध्ये संपली. त्यानंतर लगेचच त्याचा मराठी रिमेक ठरलं तर मग या नावानं प्रसारित होत आहे.
ओरिजनल नाहीच! मराठी मालिकांना लागतो दाक्षिणात्य मालिकांचा आधार
