फक्त अजून ५ दिवस! ‘पठाण’समोर गुडघे टेकतील ‘बाहुबली २’ आणि ‘केजीएफ २’, तुटतील रेकॉर्ड

बॉक्स ऑफिसवर पठाणची घोडदौळ सुरूच आहे. बॉलिवूडचा बादशाह शाहरुख खानच्या चित्रपटाची क्रेझ लोकांमध्ये दिसून येत आहे. पठाण चित्रपट दररोज बॉक्स ऑफिसवर प्रचंड कमाई करून इतिहास रचत आहे. प्रदर्शनानंतर १० व्या दिवशीही पठाणने कमाईचा नवा पायंडा पाडला आहे.

पठाणांची मोहिनी सुरूच

पठाण बॉक्स ऑफिसवर उंच भरारी घेत आहे. शाहरुख खानच्या चित्रपटाने सिनेमागृहांचे ग्लॅमर परत आणले आहे. बरेच दिवस बंद असलेल्या चित्रपटगृहांमध्ये पुन्हा प्रेक्षक येऊ लागले. प्रदर्शनाच्या १० दिवसांनंतरही पठाणचे बहुतेक शो हाऊसफुल्ल आहेत. पठाण दररोज यशाचे नवनवे विक्रम करत असल्याचे दिसून येते.

‘हास्यजत्रा’च्या कलाकारांचे रिअल लाइफ पार्टनर पाहिले का?

पठाणच्या दहाव्या दिवसाची आकडेवारी समोर आली आहे. शाहरुख खानच्या चित्रपटाने 10व्या दिवशी म्हणजेच दुसऱ्या शुक्रवारीसुद्धा घसघशीत कमाई करुन आपणच बॉलिवूडचा खरा राजा असल्याचे दाखवून दिले आहे. अंदाजानुसार शाहरुखच्या चित्रपटाने १० व्या दिवशी १३ ते १५ कोटींची कमाई केली आहे. यासह, चित्रपटाचे ऑल इंडिया नेट कलेक्शन ३७८- ३८० कोटींच्या आसपास पोहोचले आहे. म्हणजेच पठाण ४०० कोटींचा टप्पा पार करण्याच्या अगदी जवळ आहे.

वर्ल्ड वाईड बॉक्स ऑफिसवरही पठाणचाच डंका

पठाणने जगभरातील बॉक्स ऑफिसवरही दबदबा निर्माण केला आहे. पठाणच्या जगभरातील कलेक्शनने नऊ दिवसांत ७०० कोटींचा आकडा पार केला आहे. भारतीय चित्रपटसृष्टीतील सर्वात मोठा ओपनर चित्रपट बनून पठाणने ऐतिहासिक नोंद केली आहे. पहिल्या वीकेंडमध्ये धडाकेबाज कामगिरी केल्यानंतर, पठाण दुसऱ्या आठवड्यातही चमकत आहे.

एका क्षणात सगळं गेलं! कॅन्सरमुळे या सेलिब्रिटींना कायमचं गमावलं

पठाण हा शाहरुख खान, दीपिका पादुकोण आणि जॉन अब्राहम यांच्या करीअरमधील सर्वात मोठा चित्रपट ठरला आहे. दुसऱ्या वीकेंडमध्येही पठाण चांगली कमाई करून नवा विक्रम प्रस्थापित करेल, अशी अपेक्षा आहे.