‘महाराष्ट्राची हास्यजत्रा’च्या कलाकारांचे रिअल लाइफ पार्टनर पाहिले का?

वनिता खरात-सुमीत लोंढे

वनिता खरात आणि सुमीत लोंढे ही जोडी गेल्या काही दिवसांपासून चर्चेत होती. दोन वर्षे एकमेकांना डेट केल्यानंतर २ फेब्रुवारीला ही जोडी विवाहबंधनात अडकली. निताच्या लग्नाला ‘महाराष्ट्राची हास्यजत्रा’शोमधल्या बऱ्याच मित्र-मंडळींनी हजेरी लावली होती. वनिता आणि सुमितवर सध्या चाहते आणि सेलिब्रिटी यांच्याकडून शुभेच्छांचा वर्षाव होत आहे. तसंच लग्नाचे फोटो, व्हिडिओही ही सोशल मीडियावर व्हायरल झाले आहेत.

समीर चौघुले-कविता चौघुले

उत्तम विनोदबुद्धी, लेखन, अभिनय या जोरावर समीर यांनी प्रेक्षकांच्या मनात स्वतःचं असं वेगळं स्थान निर्माण केलं आहे. चाहते त्याच्यावर भरभरून प्रेम करत असतात. आपल्या अफाट कॉमेडी टायमिंगसाठी ओळखला जाणारा अभिनेता समीर चौघुलेच्या आयुष्यात एक खास व्यक्ती आहे, ती म्हणजे दुसरी तिसरी कोणी नसून त्यांची पत्नी कविता आहे. समीर आणि कविता यांच्या लग्नाला लवकरच २५ वर्षे पूर्ण होतील. कविताच्या पाठिंब्यामुळेच आपण इथपर्यंत टिकून असल्याचे समीर अनेकदा सांगतो.

प्रसाद खांडेकर-अल्पा खांडेकर

प्रसाद खांडेकर आणि अल्पा खांडेकर हे सोशल मीडियावर खूप सक्रिय असतात. प्रसादला श्लोक नावाचा मुलगाही आहे. प्रसादची अनेक अभिनेत्रींसोबत ऑन-स्क्रीन केमिस्ट्री उत्तम असली तरी वास्तविक जीवनातील जोडीदार अल्पासोबत त्याचे बाँडिंग शब्दांच्या पलीकडे आहे.

नम्रता संभेराव-योगेश संभेराव

महाराष्ट्राची हास्यजत्रा या शोमधील सर्वात लोकप्रिय विनोदी कलाकारांपैकी एक, नम्रता संभेराव हिचा योगेशसोबत ८ वर्षांपूर्वी विवाह झाला होता. या दोघांनाही एका मुलगा असून त्याचे नाव रुद्राज असे आहे.

विशाखा सुभेदार- महेश सुभेदार

‘फु बाई फु’, ‘कॉमेडीची बुलेट ट्रेन’ आणि महाराष्ट्राची हास्यजत्रा’ यांसारख्या कार्यक्रमातून विशाखाने आपल्या विनोदाने आणि अभिनयाने प्रेक्षकांच्या हृदयावर छाप पाडली.शोची ‘कॉमेडी क्वीन’ विशाखाचा खरा जोडीदार अभिनेता महेश सुभेदार आहे. गेल्या काही दशकांपासून हे जोडपे एकमेकांचा सर्वात मोठा आधार बनून वावरतात. कठीण प्रसंगी एकमेकांना साथ देतात. या जोडप्याला एक मुलगाही आहे. विशाखा अनेकदा आपल्या पतीसोबतचे रोमँटिक फोटो सोशल मीडियावर पोस्ट करते.

चेतना भट-मंदार चोळकर

अभिनेत्री चेतना भट्टने मराठी चित्रपटसृष्टीत काम करणारे गीतकार-लेखक मंदार चोळकर यांच्याशी लग्न केले आहे. मंदार हे एक अनुभवी मराठी गीतकार आहेत. चेतना आणि मंदारचे काही वर्षांपूर्वी लग्न झाले असून ते सध्या आपल्या वैवाहिक जीवनाचा आनंद घेत आहेत.

प्रसाद ओक- मंजीरी ओक

मराठी इंडस्ट्रीतील पॉवर कपल, प्रसाद-मंजिरी, त्यांच्या रोमँटिक फोटोशूट आणि रील्सने चाहत्यांना वेड लावतात. या दोघांनाही दोन मुले आहेत. मंजीरीसुद्धा आता प्रसादच्या कामात त्याला मदत करत असते.

सई ताम्हणकर – अनीश जोग

महाराष्ट्राची हास्यजत्रा या शोची परीक्षक सई ताम्हणकरला अखेर तिचा खऱ्या आयुष्यातला जोडीदार मिळाला आहे. सई गेल्या काही दिवसांपासून अनीश जोगला डेट करत आहे. अभिनेत्रीने नुकतेच सोशल मीडियावर अनीशसोबतचे काही फोटो शेअर केले आणि आपले नाते अधिकृत केले. हे दोघे अनेकदा एकत्र दिसतात.

वनिता खरात ते सई ताम्हणकर, इथे पाहा महाराष्ट्राची हास्यजत्रेतील कलाकारांचे रिअल लाइफ पार्टनर