Tej Police Times
अकोला : अनेक तरुण-तरुणींना पोलिसांत नोकरीचं आमिष दाखवून फसवणूक केल्याच्या प्रकरणाला नवं वळण लागलंय. अकोल्याच्या उरळ पोलिसांत आणखी एक फसवणुकीची तक्रार दाखल झाली असून या तक्रारदार तरुणीला पोलीस आयुक्त कृष्णप्रकाश यांच्यामार्फत नोकरी लावून देतोय, असं आमिष देण्यात आलं. यासाठी तिच्याकडून तब्बल २० लाख रूपये घेतले. इतकेच नव्हे तर तिला बनावट नियुक्तीपत्रही दिलं असून तिला पुण्यात ट्रेनिंगसाठी पाठवलं होतं. तर आणखी एका तरुणाकडून आर्मीमध्ये नोकरीसाठी १५ लाख रूपये घतले. अन् त्यालाही बनावट नियुक्तीपत्र देत पुण्यात ट्रेंनिगला पाठवलं. मात्र १७ महीने उलटून ‘तो’ घरी परतलाच नाहीये, अद्यापही बेपत्ता आहे.
क्लिक करा आणि वाचा- इच्छेविरुद्ध लग्न, पती १७ वर्षांनी मोठा, पत्नीने प्रियकरासाठी पतीला संपवले, पतीच्याच मोबाइलवर शोधले मार्ग
तरुणीची तब्बल २० लाखांनी फसवणूक
अकोला जिल्ह्यातील अंत्री मलकापूर गावातील रवींद्र वाघाळे यांच्या २५ मुलीला पोलीस खात्यात सहाय्यक पोलीस उपनिरीक्षक पदावर नोकरी लावून देतो असं सांगून २० लाख रुपये खर्च येणार, असं आमिष मनोज श्रीकृष्ण तिवाने याने दाखविले. आयपीएस कृष्ण प्रकाश यांच्यामार्फत नियुक्ती होणार, असंही मनोज म्हणाला. वाघाळे यांचं घर धरणात गेल्याने त्यांना शासनाकडून २० लाख मिळाले होते. तो पैसा त्यांनी मनोजला दिला. काही दिवसानंतर अमरावतीच्या पोलीस मुख्यालयात त्यांच्या मुलीला बोलावले. इथे तिला मनोजने पोलीस युनिफॉर्म देत, युनिफॉर्म घालून त्याचा एक फोटो एका ईमेल आयडी वर पाठवायला सांगितला. पुढे तिला पुण्याला अन् त्यानंतर अलीबागला पोलीस ट्रेनिंगसाठी पाठवलं. अन् नियुक्तीपत्र व्हाट्सअप वर शेअर केलं.
या नियुक्ती पत्रामध्ये नमूद आहे की तिची सहाय्यक पोलीस निरीक्षक पदावर नेमणूक करण्यात आली असून सध्याचं नेमणुकीचं ठिकाण अलीबाग आहे. तर पुढील पोस्टिंग अमरावती जिल्ह्यात असणार असल्याचे त्याने सांगितले. असं सांगून अलीबाग इथून तिला घरी परत बोलावले. दरम्यान या पत्रावर माजी पोलीस महासंचालक संजय पांडे यांचे नावाने आदेश असून त्यांची कुठल्याही प्रकारची सही पत्रावर नाहीये. मात्र काही महीने उलटूनही तिला कुठल्याही प्रकारचे पोलीस ट्रेनिंग देण्यात आलं नसून मनोज हा नेहमी भूलथापा द्यायचा. अशा वरून आपली फसवणूक झाल्याचं त्यांच्या निदर्शनास आलं. त्यामुळ लागलीच उरळ पोलिसांत आपली तक्रार नोंदवली, याचीही चौकशी उरळ पोलीस करत आहेत.
क्लिक करा आणि वाचा- पुण्यातील येरवडा कारागृहात कैदी पिसाळला; मोक्कातील आरोपी नाना गायकवाडवर लोखंडी पत्र्याने हल्ला, चेहऱ्यावर झाला वार
आर्मी ट्रेनिंगसाठी गेलेला स्वप्निल १७ महिन्यांपासून बेपत्ता
कुटुंबीयांनी दिलेल्या माहितीनुसार अंत्री मलकापुर गावातील २२ वर्षीय स्वप्निल काशिगीरी गीरी या तरुणाला आर्मीमध्ये नोकरी देण्यासाठी, त्याच्याकडून तब्बल १५ लाख रुपये मनोजने घेतले. इथे त्यालाही बनावट नियुक्तीपत्र देत पुण्यात ट्रेनिंगसाठी पाठवलं. दरम्यान, २१ जुलै २०२१ रोजी स्वप्निल घरून पुण्याला ट्रेनिंगसाठी रवाना झालाय. मात्र अजूनही त्याचा फोन अन् संपर्क कुटुंबीयांशी होऊ शकला नाहिये. अखेर स्वप्निलची बेपत्ता असल्याची तक्रार पोलिसांत दिल्याचे नातेवाईक म्हणतात. जवळपास १७ महिन्यांपासून स्वप्निल बेपत्ता असून त्याच्या जीवितला बरवाईट झालं असल्याचे कुटुंबियांना धोका आहे.
मनोजने अनेकांना नोकरीचं आमिष देत फसवलं
दरम्यान मनोजने अकोला अमरावती आणि पुणे शहरातील अनेक तरुण-तरुणींना नोकरीचा आमिष देत लाखों रुपयांनी गंडविले आहे, तसेच बनावट नियुक्तीपत्रही देत पुण्याला ट्रेनिंग साठी पाठवल. इतकंच नव्हे तर काही तरुणींसोबत त्याने लैंगिक शोषण केल्याचेही सूत्रांचं म्हणणं आहे. मात्र बदनामी तसेच भीतीपोटी अनेक तरुण-तरुणी समोर आले नाहीये. आता या सर्वांना पोलीस कसे विश्वासात घेणार हे पाहण गरजेच ठरणार आहे.
मनोज सांगतोय पोलीस असल्याचं
मनोज तिवाने हा स्वतः पोलीस दलात ‘एएसआय’ असून पुण्यात सायबर सेलला पोस्टिंग असल्याचं सांगतोय. त्यांच्याजवळ त्याचं बनावट आयडीकार्ड आणि एक रिवाल्वर देखील आहे. तो सतत पोलीस युनिफॉर्मवर आपल्या कारमध्ये फिरत असतोय. तसेच अनेक आयपीएस अधिकाऱ्यांसोबत माझे चांगले संबंध असून त्यांची बेनामी संपत्ती माझ्याकडे जमा असल्याचे तो सांगतोय. तसेच कोट्यावधी रुपये तो आपल्या कारमध्ये वावरत असून तक्रारदारांना दाखवतोय. हा सर्व पैसा आयपीएस लोकांचा आहे. दरम्यान आमिषाला बळी पडणारे तरुण-तरुणी जर पैशाची मागणी परत करीत असल्यास त्यांना कोट्यावधी रुपयांच्या बॅग सोपवितो अन् ही बॅक ओपन केल्यास त्यामध्ये बॉम्ब असून स्फोट होऊ शकतो. आणि सर्व नोटा जळू शकतात, असा इशारा त्यांना देतो. अशीच एक बॅग तक्रारदार ‘रविंद्र वाघाळे’ यांना दिली असून त्यामध्ये कोट्यावधीच्या नकली नोटा आहेत.
क्लिक करा आणि वाचा- मलाही हवा जातीचा दाखला, टॉमी नावाच्या कुत्र्याने आधारकार्डसह केला अर्ज, अधिकारी भडकले आणि…
कोकेणसह काळा पैसा वाहतूक करण्याचा आणला दबाव
२६ वर्षीय निशांत पारस्कर याचीही मनोजने १७ लाखांनी फसवणूक केली असून त्याच्या लक्षात येताच त्याने आपले पैसे परत मागितले. मात्र मनोजने निशांतला अंमली पदार्थ विकण्यासह काळा पैसा ने-आणसाठी मदत करू लाग. दरमहा तुला पंचवीस हजार रुपये देतो, असं म्हटलं. नाही तर तुला एकही रुपया परत देत नाहीय. अशा प्रकारे पोलिसात सहाय्यक पोलिस उपनिरीक्षक या पदावर नोकरी देण्याचे आमिष दाखवून फसवणूक झाल्याची तक्रार उरळ पोलीस ठाण्यात आली आहे.
फसवणुकीचे प्रकरण अत्यंत गंभीर असून वरिष्ठांच्या मार्गदर्शनानुसार चौकशी सुरू आहे, ७ जानेवारी पर्यंत आम्ही गुन्हे दाखल करू. सध्या मनोज अमरावती पोलिसांच्या अटकेत आहे. त्याच्यावर अमली पदार्थ वाहतूक करण्यासंदर्भात कारवाई झाली आहे. सद्यस्थितीत आमच्याकडे दोन तक्रारी प्राप्त झाल्यात, कुणीही कोणत्याही भीती पोटी आहारी जाऊ नये, सर्वांनी समोर यावे आणि निश्चित योग्य ती कारवाई केली जाणार.
अनंतराव वडतकर, उरळ पोलीस स्टेशन ठाणेदार. जि. अकोला.