Tej Police Times
Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage

Mega Block : आज तिन्ही मार्गांवर ब्लॉक; ‘या’ फेऱ्या रद्द तर काही गाड्या १५ मिनिटे विलंबाने धावणार

8

मुंबई : माटुंगा ते मुलुंड अप-डाऊन जलद मार्गावर आणि वडाळा रोड ते मानखुर्द अप-डाऊन मार्गावर आज, रविवारी मध्य रेल्वेकडून ब्लॉक घेण्यात येणार आहे. ब्लॉक वेळेत धीम्या मार्गावरील लोकल फेऱ्या जलद मार्गावर वळविण्यात येणार आहेत. यामुळे काही फेऱ्या रद्द होणार असून काही फेऱ्या सुमारे १५ मिनिटे विलंबाने धावणार आहेत. बोरिवली आणि गोरेगाव स्थानकांदरम्यान अप आणि डाऊन धीम्या मार्गावरही पश्चिम रेल्वेकडून ब्लॉक घेण्यात येणार आहे.

मध्य रेल्वे (मुख्य मार्ग)

स्थानक – माटुंगा ते मुलुंड

मार्ग – अप आणि डाऊन जलद

वेळ – सकाळी ११.०५ ते दुपारी ३.५५

परिणाम – ब्लॉक वेळेत जलद मार्गावरील लोकल फेऱ्या धीम्या मार्गावर वळविण्यात येणार आहेत. यामुळे काही लोकल फेऱ्या रद्द होणार असून काही फेऱ्या १५ मिनिटे विलंबाने धावणार आहेत.

हार्बर रेल्वे

स्थानक – वडाळा रोड ते मानखुर्द

मार्ग – अप आणि डाऊन

वेळ – सकाळी ११ ते दुपारी ४

परिणाम – ब्लॉक वेळेत छत्रपती शिवाजी महाराज टर्मिनस ते वांद्रे गोरेगाव लोकल फेऱ्या वेळापत्रकाप्रमाणे धावणार आहेत. सीएसएमटी ते पनवेल/बेलापूर/वाशीदरम्यान धावणाऱ्या अप आणि डाऊन लोकल फेऱ्या रद्द राहणार आहेत. पनवेल ते मानखुर्द मार्गावर विशेष लोकल फेऱ्या चालविण्यात येणार आहेत. हार्बर प्रवाशांना ट्रान्सहार्बर आणि मुख्य मार्गावरून प्रवासाची मुभा असेल.

Source link

Leave A Reply

Your email address will not be published.