फोटोतील मराठमोळ्या अभिनेत्याला ओळखलंत का? आजही खंडोबा म्हणून प्रेक्षक जोडतात हात

आताही हा कलाकार मराठी प्रेक्षकांमध्ये खंडोबा म्हणून लोकप्रिय आहे. अजूनही तुम्ही या कलाकाराला ओळखू शकला नसाल तर आम्ही सांगतो. हा कलाकार म्हणजे मराठी चित्रपटसृष्टीत वेगळा ठसा उमटवणारा अभिनेता देवदत्त नागे आहे. आज ५ फेब्रुवारी रोजी देवदत्त त्याचा ४१ वा वाढदिवस साजरा करत आहे. त्या निमित्ताने त्याचा हा फोटो सोशल मीडियावर व्हायरल होत आहे. १७ वर्षाचा देवदत्त आणि आताच देवदत्त यात प्रचंड फरक असला तरी त्याची व्यायामाची आवड आजही कायम आहे. आपल्या शरीराच्या जोरावर त्याने अनेक पात्र सहजरित्या साकारली. देवदत्तने झी मराठी वाहिनीवरील ‘जय मल्हार’ या मालिकेत खंडोबा देवांची भूमिका साकारली होती. त्याने साकारलेली भूमिका इतकी चांगली होती की आजही प्रेक्षक त्याला त्या भूमिकेसाठी ओळखतात.

त्यानंतर देवदत्त ‘डॉक्टर डॉन’ या मालिकेत दिसला होता. सध्या तो कलर्स मराठीवरील ‘जीव माझा गुंतला या मालिकेत दिसत आहे. मात्र यात महत्वाची गोष्ट अशी की देवदत्तने आता बॉलिवूडपर्यंत झेप घेतली आहे. तो दिग्दर्शक ओम राऊत याच्या ‘आदिपुरुष’ या चित्रपटात दिसणार आहे. तो चित्रपटात हनुमंताची भूमिका साकारत आहे. चित्रपटात प्रभास आणि सैफ अली खान यांच्या मुख्य भूमिका आहेत.