Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
‘तमाशा लाइव्ह’, ‘दे धक्का २’, ‘सर्कस’ या सिनेमांमध्ये एका पाठोपाठ एक सिद्धार्थने काम केले. त्यामुळे सिद्धार्थची विशेष चर्चा झाली. शिवाय तो सोशल मीडियावरील विविध पोस्टमुळे चर्चेत येतो. आताही अभिनेत्याची अशीच एक पोस्ट चर्चेत आली आहे. यावेळी त्याने मजेशीर रील किंवा विनोदी कॅप्शन देत त्याच्या चाहत्यांना हसवले नाही, तर खास पोस्ट करत भावुक केले आहे.
हे वाचा-शिव ठाकरे नव्हे त्याचा मित्र होणार बिग बॉसचा विजेता? टॉप ५ मध्ये ठरला अव्वल
सिद्धार्थने त्याच्या आई-वडिलांना घर घेऊन दिले आणि घराबाहेर त्यांच्या नावाची पाटीही लावली. अभिनेत्याने आई ‘मंदाकिनी रामचंद्र जाधव’ आणि वडील ‘रामचंद्र भागोजी जाधव’ या दोन नावांची पाटी घराबाहेर लावली आहे. या खास नेमप्लेटचा फोटो पोस्ट करत सिद्धार्थने चाहत्यांसोबत त्याचा आनंद शेअर केला. आई-वडिलांसाठी घर घेतल्याचा आनंद त्याने दिलेल्या कॅप्शनमधून व्यक्त होतोय.
हे वाचा-कॅन्सरला हरवलं पण मेंदू आणि हृदयासमोर हरली; पंचविशीत अभिनेत्रीला मृत्यूने गाठलं
सिद्धार्थने हा फोटो शेअर करत लिहिले की, ‘स्वप्नपूर्ती…. #आईबाबा. माझ्या आयुष्यात सर्वात आनंदाचा क्षण, स्वप्न पूर्ण झाल्याचा क्षण’. अभिनेत्याची ही पोस्ट सध्या चर्चेत आली आहे. प्रेक्षक त्याचे कौतुक करत अभिमान वाटत असल्याच्या प्रतिक्रिया देत आहेत.
अभिनेत्याच्या या सोशल मीडिया पोस्टवर चाहत्यांनी कमेंट्स करत त्याच्यावर अभिनंदनाचा वर्षाव केला. शिवाय फिल्म इंडस्ट्रीतीलही अनेकांनी त्याचे कौतुक केले. महेश मांजरेकर यांनी असे लिहिले की, ‘वाह वाह वाह सिद्धू’, तर संजय जाधव यांनी ‘बाप्पा मोरया’ अशी कमेंट केली आहे. अभिनेत्री तेजस्विनी पंडितने ‘बंड्या’ अशी कमेंट केली तर क्रांती रेडकरने लिहिले की, ‘वाह सिद्धू’.