कुणी ऐरिगैरी नाही आदिलची गर्लफ्रेंड; कमाईसोबत लोकप्रियतेच्या बाबतीतही राखीला देते टक्कर

राखी सावंतने तिचा पती आदिल खान दुर्रानीवर एक्स्ट्रा मॅरिटल अफेअरचा आरोप केला होता. त्याचं एका मुलीसोबत अफेअर असल्याचं म्हटलं होतं. जर आदिल सुधारला नाही तर ती त्याचं खरं रूप सगळ्यांसमोर आणेल, त्या मुलीचे नाव आणि फोटो- व्हिडीओही सार्वजनिक करेल असं ती म्हणाली होती. आता ते राखीचं म्हणणं खरं केलं आहे. तिने सगळ्यांसमोर त्या मुलीचं नाव सांगितलं आहे. आता आदिल आणि त्या मुलीचे फोटो सोशल मीडियावर व्हायरल झाले आहेत. आदिलची गर्लफ्रेंड राखीपेक्षा कोणत्याही बाबतीत कमी नाही. सौंदर्य असो किंवा फिटनेस प्रत्येक गोष्टीत ती राखीला टक्कर देतेय.

राखीने आदिलच्या गर्लफ्रेंडचं नाव तनू असल्याचं उघड केलं आहे. ती मराठी बिग बॉसमध्ये असताना आदिलचं अफेअर सुरू झाल्याचं बोललं जातंय. पाच आठवड्यांनंतर बाहेर आल्यावर तिला हा प्रकार कळला. तिने आदिलची समजूत काढण्याचाही प्रयत्न्न केला. मात्र त्याचा काही उपयोग झाला नाही असं राखीने म्हटलं.

तनू आहे एक बिझनेसवुमन
तनू चंडेल आणि आदिलचे सर्व फोटो सोशल मीडियावर व्हायरल होत आहेत. राखीच्या म्हणण्यानुसार, तनू ही इंदौरची आहे. तिथे तिचा एक फ्लॅटही आहे. तिच्याकडे स्वतःची बीएमडब्ल्यू कार आहे. राखीच्या म्हणण्यानुसार, तनू आयआयटीमधून पास आऊट आहे आणि आता एक बिजनेसवूमन आहे. राखीच्या सांगण्यानुसार, तनू गेल्या ८ वर्षांपासून बॉलीवूडमध्ये संघर्ष करत आहे आणि काही छोट्या प्रोजेक्टमध्येही दिसली आहे. तिचं वय ३७ वर्षे आहे.

आदिल खान करतो इन्स्टावर फॉलो
तनूचं पूर्ण नाव काय आहे, याचा खुलासा करण्यात आलेला नाही, मात्र जे फोटो समोर आले आहेत त्यात तनूचं पूर्ण नाव तनू चंडेल आहे असं सांगण्यात येत आहे. ती टिकटॉकरही आहे. तिचं खरं नाव निवेदिता चंडेल आहे. आदिलदेखील तिला इन्स्टाग्रामवर फॉलो करतो. तसेच तिचे इन्स्टाग्रामवर ६० लाख ४० हजार फॉलोअर्स आहेत. राखी ज्या मुलीबद्दल बोलत आहे ही तीच मुलगी आहे हे अजून निश्चित झालं नसलं तरी आदिलने तिला फॉलो केल्यामुळे ती त्याची गर्लफ्रेंड असल्याचं म्हटलं जातंय.