कियाराच्या लग्नात ईशा अंबानीच्या पर्सची चर्चा, छोट्याशा हँडबॅगच्या किंमत येईल १ बीएचके फ्लॅट

मुंबई: अभिनेता सिद्धार्थ मल्होत्रा आणि कियारा अडवाणी उद्या लग्नबंधनात अडकणार आहेत. बॉलिवूडच्या या स्टार कपलच्या लग्नाला दिग्गजांची उपस्थिती असणार आहे. इतकंच नव्हे तर या लग्नाला अनेक व्ही.व्ही आयपी मंडळी आली आहेत. त्यापैकी एक नाव आहे ईशा अंबानी- पिरामल.

ईशा आणि कियारा या बेस्ट फ्रेंड्स आहेत. पण ईशानं काही महिन्यांपूर्वीच दोन चिमुकल्यांना जन्म दिला. त्यामुळं ती लग्नाला येणार की, नाही याबद्दल चर्चा सुरू होत्या. पण काल म्हणजेच रविवारी ईशा जैसलमेर विमानतळावर स्पॉट झाली. लाडक्या मैत्रिणीच्या लग्नाला ईशा जाणार नाही, असं झालंच नसतं. ईशा आणि तिचे पती आनंद पिरामल यांना विमानतळावर पाहताच त्यांना पाहण्यासाठी गर्दी जमली होती. ईशा पांढऱ्या रंगाच्या रॉयल ड्रेसमध्ये दिसली. ईशाचा एथनिक तसाच रॉयल लुक सध्या चर्चेत आला आहे.

ईशाच्या लुकची चर्चा होतेय, त्याहून जास्त चर्चा तिच्या पर्सची होतेय. ईशाच्या हातात एका जगप्रसिद्ध लक्झरी ब्रँडची गुलाबी रंगाची मिनी लेदर हँडबॅग दिसतेय. दिसायला छोटी दिसत असली तरी या बॅगची किंमत लाखोंमध्ये आहे.
हीच तुझी देशभक्ती का? अक्षय कुमारचा व्हिडिओ पाहून नेटकऱ्यांचा संताप
ईशाच्या हातात दिसत असलेली क्युट अशी गुलाबी रंगाची बॅग ‘Hermes Paris’ ब्रॅंडची आहे. सोशल मीडियावर या बॅगेच्या किंमतीविषयी चर्चा सुरू आहे. व्हायरल झालेल्या पोस्ट नुसार या बॅगची किंमत तब्बल एक दोन लाख नसून ३१ लाख ७० हजार इतकी असल्याचं म्हटलं आहे.

पाहा व्हिडिओ:

बालपणीच्या मैत्रिणी
कियारा आणि ईशा बालपणीच्या मैत्रिणी आहेत. ईशासोबतची मैत्री एक मोठा टॅग असल्याचं कियारानं म्हटलं होतं. इतरांप्रमाणंच ईशा अंबानी आणि कियारा आडवाणी यांच्या नात्यातही अनेकदा खटके उडाले. कियारानं एक अभिनेत्री म्हणून तिचं आयुष्य आणि जगातील श्रीमंत व्यक्तींपैकी एक असलेल्या मुकेश अंबानी यांच्या मुलीशी मैत्री यातील अडचणी बोलून दाखवल्या होत्या. या दोघींच्या मैत्रीमागं अनेकांची टीका आणि नकारात्मकता अशा गोष्टी आल्याचंही कियारानं म्हटलं होतं. त्यानंतरही या दोघींची मैत्री कायम असल्याचं तिनं सांगितलं होतं.

ईशासोबतची मैत्री सर्वांसमोर आल्यानंतर अनेकांनी जज केल्याचं कियारानं सांगितलं होतं.ईशा एका मोठ्या उद्योगपतींची मुलगी असल्यानं तसंच कियाराची ईशा अंबानींशी मैत्री असल्यामुळं तिच्या आयुष्यात कोणतंही स्ट्रगल नसल्याचं अनेकांनी म्हटलं होतं. यावर कियारां ईशा मोठ्या उद्योगपतींची मुलगी असल्याचा, ईशाचा संपत्तीचा आणि त्यांच्या मैत्रीचा कोणताही संबंध नसल्याचं उत्तर दिलं होतं.