Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
दिवंगत अभिनेत्री श्रीदेवी यांची कन्या जान्हवी कपूरनं ‘धडक’ या चित्रपटातून सिनेसृष्टीत पदार्पण केलं. तेव्हापासून नव्वदच्या दशकातल्या अभिनेत्रींची मुलं काही ना काही कारणानं चर्चेत आहेत. कधी त्यांच्यासाठी घरातूनच सिनेमाची निर्मिती होणार असल्याची, तर कधी प्रतिथयश निर्माता-दिग्दर्शक त्यांना लाँच करणार असल्याची चर्चा रंगतेच. यात सर्वाधिक चर्चेतलं नाव म्हणजे रवीना टंडनची मुलगी राशा थडानी हीचं. राशालाही आईसारखंच अभिनेत्री व्हायचं असून तिच्या पदार्पणाची तयारी सध्या सुरू असल्याचं कळतंय.
हे वाचा-पठाणमुळे कार्तिकच्या ‘शहजादा’ला फटका, फ्लॉपच्या भीतीमुळे हे सिनेमाही लांबणीवर!
काजोल-अजय देवगण यांची मुलगी निसा देवगणही बॉलिवूडमध्ये पदार्पण करणार आहे. मध्यंतरी न्यासाचा मेकओव्हर झाल्याचे फोटो व्हायरल झाले होते. त्यातही घरच्या निर्मितीसंस्थेतून ती पदार्पण करण्याची शक्यता आहे. अजय देवगणच तिला दिग्दर्शित करणार असल्याचीही चर्चा होती. तिचं पदार्पण नेमकं कसं होतं, ते लवकरच कळेल.
करिष्मा कपूरची मुलगी समायरा कपूर तिची आई आणि मावशी करिना यांचा अभिनय पाहत मोठी झाली आहे. साहजिकच ती ही अभिनयात पदार्पण करणार असल्याचं नेहमी बोललं जातं. प्रत्यक्षात करिष्मानं कधीही तिच्या पदार्पणाबद्दल भाष्य केलेलं नाही. अलीकडे आई आणि मावशीसोबतचे तिचे फोटो सोशल मीडियावर झळकतात, त्यामुळे अभिनयात पदार्पण करणाऱ्यांच्या यादीत तिचंही नाव चर्चेत आहे.
हे वाचा-पठाणमुळे कार्तिकच्या ‘शहजादा’ला फटका, फ्लॉपच्या भीतीमुळे हे सिनेमाही लांबणीवर!
आपल्या मुलांनी भरपूर शिकावं अशी अभिनेत्री जुही चावलाची इच्छा होती. त्यानुसार तिची मुलगी जान्हवी मेहतानं काही दिवसांपूर्वी पदवीचं शिक्षण पूर्ण केलं. जुहीनं तेव्हा तिचं अभिनंदन करणारी पोस्टही सोशल मीडियावर केली होती. तेव्हा जान्हवी अभिनेत्री व्हायची इच्छा असल्याचं तिनं म्हटलं होतं. त्यानंतर तिच्या पदार्पणाची चर्चा झाली नाही. तिचेही आईसोबतचे फोटो सोशल मीडियावर चर्चेत असतात. फरक इतकाच, की इतर कलाकारांप्रमाणे जुहीची मुलगी तिच्यासोबत जाहीर कार्यक्रमांत फारशी दिसत नाही.
यंदा आणखी एका कार्यक्रमातल्या फोटोची चर्चा झाली ती म्हणजे, ऐश्वर्या आणि आराध्या बच्चन यांची. पाहता पाहता लेक मोठी झाल्याचं सांगत ऐश्वर्यानं काही दिवसांपूर्वी सोशल मीडियावर तिच्यासोबतचा फोटो पोस्ट केला होता. आता तर आराध्या आईसोबत बिनधास्त फोटोत दिसते आहे. ती अभिनयक्षेत्रात येणार का, याबद्दल ऐश्वर्यालाही सातत्यानं विचारणा होते. त्यावर ‘ती अजून लहान आहे आणि योग्यवेळी तिच्या आवडीनुसार ती निर्णय घेईल,’ असं त्यावर ऐश्वर्याचं उत्तर असतं. यातलं मोठ्या पडद्यावर आधी कोण झळकतं, ते लवकरच कळेल.