Tej Police Times
नाशिक: काळ आला होता पण वेळ आली नव्हती, याची प्रचिती आज नाशिक रोड रेल्वे स्टेशनवर बघायला मिळाली आहे. नाशिकरोड रेल्वे स्थानकावर धावत्या रेल्वे गाडीत चढण्याच्या नादात एका तरुणाने जीव गमावला असता. नाशिकरोड रेल्वे स्टेशन येथे रेल्वेत चढत असताना पाय घसरल्याने तो रेल्वे आणि फलट्याच्या मध्ये अडकून खाली जात होता. मात्र, या ठिकाणी कर्तव्य बजावणाऱ्या सुरक्षारक्षकाच्या निदर्शनास ही बाब लक्षात येता अत्यंत तातडीने त्याने पळत जात त्या तरुणाला बाहेर खेचले.
हेही वाचा -मुलींसाठी नाश्ता घ्यायला उतरल्या, चालत्या रेल्वेत चढायला गेल्या पण फलाट अन् रुळामध्ये पडल्या…
नाशिक रोडच्या स्थानकावर पवन एक्सप्रेस सुरू झाल्यानंतर तिच्यामध्ये चढण्याचा प्रयत्न करणाऱ्या युवकाचा तोल गेला. तो गाडीखाली जाणार तोच आरपीएच्या जवानाने त्याला खेचून बाहेर ओढलं. जवानाच्या अतिशय वेगवान हालचालींमुळे प्रवासी बालंबाल बचावला आहे. दरम्यान ,जवान के. के. यादव यांच्या बचाव कार्यामुळे त्यांचे सर्वत्र कौतुक होत आहे.
हेही वाचा -व्हॅलेंटाइन्स डे दिवशीच ‘काऊ हग डे’ साजरा करा, गायप्रेमींना करण्यात आलेलं आवाहन चर्चेत
सीसीटीव्ही कॅमेऱ्यामध्ये घडलेली सर्व घटना कैद झाली आहे. प्लॅटफॉर्म नंबर दोनवर पवन एक्सप्रेस थांबलेली होती. यावेळी राममोहन प्रजापती हा १८ वर्षीय युवक एक्सप्रेसमध्ये त्याच्याकडे असलेले जड ओझे चढवत होता. तेवढ्यात अचानक रेल्वे सुरू झाली. मात्र, चढण्याच्या घाईगडबडीत त्याचा अचानक पाय घसरला आणि त्याचा तोल गेला.
सामान उचलण्याच्या गडबडीत तो दरवाजाजवळ ५० फुटापर्यंत फरफटत गेला. त्यावेळी तेथे तैनात के. के. यादव या जवानाने प्रसंगावधान राखत तात्काळ त्याच्याकडे धाव घेतली. त्याला गाडीपासून दूर ओढले, त्यामुळे प्रवासाचा जीव थोडक्यात वाचला आहे.
हेही वाचा -९ व्या वर्षी पदवी मिळवली, आता ब्लॅक होलचं गूढ उलगडायचंय… लहानग्याची कमाल पाहून भलेभले चकित
त्याला वाचवत असताना आरपीएफ जवान यांचा देखील तोल गेला. मात्र, त्यांनी कोणतीही परवा न करता सदर इसमाला वाचवलं. आरपीएफ रक्षकाच्या या कार्यामुळे त्यांचं कौतुक होत आहे. तर ही घटना नाशिक रेल्वे स्थानकावर घडली असून घटनेचा व्हिडिओ व्हायरल होत आहे.