Tej Police Times
मुंबई- बॉलिवूड अभिनेत्री राखी सावंत सध्या तिचा पती आदिल खान दुर्रानीमुळे चर्चेत आहे. नुकत्याच लग्नबंधनात अडकलेल्या राखीने आदिलवर घरगुती हिंसाचार आणि मारहाणीचे अनेक गंभीर आरोप केले आहेत. यासोबतच राखीने असंही म्हटलं होतं की, आदिल आधीच विवाहित आहे आणि त्याच्यावर वेगवेगळे गुन्हे दाखल आहेत. मंगळवारी सकाळी त्याला पोलिसांनी अटक केली असून याप्रकरणी त्याची दिवसभर चौकशी करण्यात आली. अटकेनंतर आदिलला अंधेरी न्यायालयात हजर करण्यात आले, त्यानंतर त्याला न्यायालयीन कोठडी सुनावण्यात आली. मात्र त्यामुळे आता न्यायालयाच्या परवानगीशिवाय पोलीस आदिलची चौकशी करू शकत नाहीत.
वकिल फाल्गुनी यांनी कोर्टात राखीचा बचाव करताना सांगितलं की, आदिल राखीला फक्त मारहाण करत असे नाही तर तिचे पैसेही चोरत असे. आदिलने राखीचे काही व्हिडिओही बनवले आहेत, ज्यासाठी तो तिला ब्लॅकमेल करायचा. फाल्गुनी म्हणाल्या की, हे गंभीर आरोप असून त्यांच्या तपासाला वेळ लागतो, त्यामुळे आदिलला ७ दिवसांची पोलीस कोठडी देण्यात यावी, अशी विनंती आम्ही न्यायालयाकडे केली होती. मात्र न्यायालयाने त्याला न्यायालयीन कोठडी सुनावल्याने त्याच्या चौकशीला आणखी वेळ लागण्याची शक्यता आहे. त्यामुळे आदिलला अटक होऊनही तो त्याचे गुन्हे मान्य करायला तयार नाहीये. त्याच्या वकिलांनी उलट राखी आदिलला मारहाण करत असल्याचे आरोप केले आहेत. त्यामुळे राखीही या प्रकरणात पुरती फसली असल्याचं चित्र आहे.
मंगळवारी रात्री राखीचा भाऊ आणि मित्र वाहिद खान यानेही मीडियासमोर तिच्यासोबत गैरवर्तन आणि मारहाण झाल्याचे पुरावे दाखवले. राखीच्या भावाने सांगितलं की, जेव्हा डॉक्टरांनी राखीचा चेकअप केला तेव्हा तिला क्रूरतेने मारहाण करण्यात आली असं म्हटलं. त्याने सांगितले की, ज्या दिवशी राखीच्या आईचं निधन झालं, त्याच दिवशी आदिलने तिला बेदम मारहाण केली होती.