सप्तपदी होताच कियाराच्या पाया पडायला वाकला सिद्धार्थ; कारण वाचून तुम्हीही कराल कौतुक

मुंबई- बॉलिवूड अभिनेता सिद्धार्थ मल्होत्रा आणि अभिनेत्री कियारा आडवाणी यांनी ७ फेब्रुवारी २०२३ रोजी सात फेरे घेत चाहत्यांना आनंदाची बातमी दिली. आता आमची परमनंट बूकींग झाली आहे असं म्हणत या दोघांनीही त्यांच्या लग्नाचे फोटो सोशल मीडियावर शेअर केले. सीड आणि कियाराने एकमेकांसोबत सात जन्म घालवण्याचं वचन घेतलं. राजस्थान येथील सूर्यगढ पॅलेसमध्ये त्यांनी लग्नगाठ बांधली. काही तासांपूर्वीच हे जोडपं दिल्लीसाठी रवाना झालं. त्यांचा एअरपोर्ट लूक चांगलाच व्हायरल झाला. कियाराच्या कुंकू, हातातील बांगड्यांचं नेटकऱ्यांनी कौतुक केलं. आता लग्नाला २४ तास उलटून गेल्यानंतर लग्नमंडपातील एक खास घटना समोर आली आहे. म्हटलं जातंय की लग्नात सिद्धार्थ कियाराच्या पाया पडला.

सिद्धार्थ आणि कियारा यांच्या लग्नातील खास गोष्ट म्हणजे परंपरेनुसार लग्न झाल्यावर कियारा सिद्धार्थच्या पाया पडली होती. मात्र त्याच्या दुसऱ्याचं क्षणी सिद्धार्थदेखील आपल्या अर्धांगिनीच्या म्हणजे कियाराच्या पाया पडला. लग्नात पत्नी आपल्या पतीच्या पाया पडते ही प्रथा आपण सगळीकडेच पाहतो. मात्र त्याही पुढे जात सिद्धार्थने नवा आदर्श घालून दिला आहे. तो सप्तपदी झाल्यानंतर तिच्या पाया पडला. मिळालेल्या माहितीनुसार, सिद्धार्थ फक्त हे दाखवण्यासाठी कियाराच्या पाया पडला की आपल्या नात्यामध्ये कुणीही छोटं नाही आणि कुणीही मोठं नाही. अशातच लग्नाच्या फेऱ्यांदरम्यान कियाराची आई आणि भाऊ भावूक झाले होते. मात्र सिद्धार्थने आपल्या सासूबाईंना आणि मेहुण्याला धीर दिला. त्याने सगळी परिस्थिती सांभाळली.

तर दुसरीकडे कियाराने सिद्धार्थच्या पाळीव श्वानाचा फोटो तिच्या कलीऱ्यामध्ये लावला होता. गेल्या वर्षी त्याचं निधन झालं होतं. सिद्धार्थ आणि कियारा यांच्या लग्नाचं रिसेप्शन दिल्लीमध्ये ठेवण्यात आलं आहे. सिद्धार्थचे आई- वडील तेथे राहत असल्याने दिल्लीत ९ फेब्रुवारी रोजी रिसेप्शन होणार आहे. त्यानंतर १२ तारखेला दिल्लीमध्येही रिसेप्शन होणार आहे. तर लग्नानंतर सिद्धार्थ आणि कियारा जुहू येथे नवं घर घेणार असल्याचं म्हटलं जातंय. या घराची किंमत तब्बल ७० कोटी आहे.