Tej Police Times
फेब्रुवारी हा महिना प्रेमाचा मानला जातो. या आठवड्यात रोज डे, प्रपोज डे असे निरनिराळे डे साजरे केले जातात. विराजसने प्रपोज डेचं निमित्त साधत सई म्हणजेच गौतमी सोबतचा एक फोटो शेअर केला होता. त्याने एक स्टोरी शेअर करत लिहिलं,अशक्य, अचाट, अफाट. भयंकर, तुडुंब, ज्यांना माहितीये त्यांनाच माहितीये’. विराजसने ही स्टोरी शेअर केली होती कारण दोन वर्षांपूर्वी ८ फेब्रुवारी २०२१ रोजी म्हणजेच प्रपोज डेला आदित्यने सईला प्रपोज केलं होतं. आपल्या प्रेमाची कबुली दिली होती. त्यानंतर त्यांनी लग्न केलं होतं. म्हणूनच विराजसने मालिकेची आठवण म्हणून ही पोस्ट शेअर केली होती. मात्र नेटकऱ्यांनी त्याचा वेगळाच अर्थ काढला. नेटकरी विराजसच्या पोस्टला हिंट समजून ‘माझा होशील ना २’ सुरू होणार असल्याचं म्हणत आहेत. मात्र सध्यातरी तसं काहीही होण्याची शक्यता फार कमी आहे.
निर्मात्यांकडून तशी कोणतीही सूचना देण्यात आलेली नाही. ‘माझा होशील ना २’ ची प्रेक्षक आतुरतेने वाट पाहत आहेत. मात्र सध्या तरी त्यांच्या आनंदावर पाणी पडल्याचं चित्र आहे. या मालिकेसोबतच प्रेक्षक ‘माझी तुझी रेशीमगाठ २’ची देखील आतुरतेने वाट पाहत आहेत.