Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Authored by अभिजित दराडे | Edited by रोहित धामणस्कर | महाराष्ट्र टाइम्स.कॉम | Updated: 9 Feb 2023, 9:55 pm
Vishal Dhanawade in Kasba peth | कसबा पोटनिवडणुकीच्या निमित्ताने पुण्यातील राजकारणात अनेक रंजक घडामोडी पाहायला मिळत आहेत. भाजप आणि काँग्रेसमध्ये झालेली बंडखोरी थोपवण्यात आली असतानाच आता ठाकरे गटाला खिंडार पडण्याची शक्यता आहे.
हायलाइट्स:
- सचिन अहिर पुण्याच्या दौऱ्यावर
- कसब्यात ठाकरे गटाचा नेता राजीनामा देणार
पक्षात प्रोटोकॉल पाळले जात नाहीत असा आरोप करत कसबा विधानसभा मतदारसंघाचे क्षेत्ररक्षक असलेले विशाल धनवडे यांनी आपली नाराजी प्रगट केली आहे. विशाल धनवडे यांचे थेट शहराध्यक्षांसोबतच वाद झाल्याची माहिती विश्वसनीय सूत्रांनी दिली आहे. हा वाद इतका टोकाला गेला आहे की विशाल धनवडे हे आता राजीनामा देण्याच्या तयारीत आहेत. उद्या शिवसेनेचे संपर्कप्रमुख सचिन अहिर पुणे दौऱ्यावर आहेत. विशाल धनवडे हे उद्या संध्याकाळी आठ वाजता सचिन अहिर यांची भेट घेऊन पक्षांतर्गत राजकारणाची माहिती सचिन अहिर यांना देणार आहेत. उद्या संध्याकाळी आठ वाजता ही भेट होणार असून त्यानंतर विशाल धनवडे मोठा निर्णय घेण्याच्या तयारीत आहेत.
Chinchwad bypoll: राष्ट्रवादी काँग्रेसचं टेन्शन दूर करण्यासाठी उद्धव ठाकरे सक्रिय, राहुल कलाटेंना धाडला संदेशविशाल धनवडे हे शिवसेनेचे नगरसेवक राहिलेले आहेत. त्यांनी २०१९ च्या विधानसभा निवडणुकीत अपक्ष म्हणून निवडणूक लढवली होती. विशाल धनवडे यांना या निवडणुकीत १३ हजार ९८९ इतकी मतं मिळाली होती. विशाल धनवडे हे पुणे शिवसेनेमधील एक मोठा चेहरा असून पुण्यातील शिवसेना फुटल्यानंतर त्यांनी उद्धव ठाकरे यांनाच साथ देण्याचा निर्णय घेतला होता.
Kasba Bypoll: राहुल गांधींचा एक फोन आला अन् कसब्यातील काँग्रेसच्या बंडखोर उमेदवाराची माघारधनवडे यांची कसबा विधानसभा मतदारसंघात मोठी ताकद आहे. त्यामुळे ऐन पोटनिवडणुकीच्या तोंडावर धनवडे यांची नाराजी महाविकास आघाडीला महागात पडू शकते. त्यामुळे उद्या सचिन अहिर यांच्या भेटीनंतर धनवडे काय निर्णय घेणार यावर कसब्याच्या पोटनिवडणुकीचे अनेक गणित अवलंबून असणार आहेत. एकीकडे चिंचवड पोटनिवडणुकीमध्ये ठाकरे गटाचे नेते राहुल कलाटे यांनी बंडखोरी करत अपक्ष उमेदवारी अर्ज दाखल केला आहे. तर इकडे कसब्यात सुद्धा शिवसेनेमध्ये नाराजी उफाळून आल्याने या पोटनिवडणुकीच्या निमित्ताने शिवसेनेची मोठी डोकेदुखी वाढल्याचे चित्र आहे.
अभिजित बिचुकले कसबा पोटनिवडणुकीच्या रिंगणात, उमेदवारी अर्जानंतर प्रश्न विचारताच संताप!
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.