Tej Police Times
इंदापूर : पुणे जिल्ह्यातील इंदापूर तालुक्यातील तक्रारवाडी येथील उजनी जलाशयाच्या बॅकवॉटरमध्ये ३० ते ३५ वर्ष वयोगटातील एका अनोळखी इसमाचा मृतदेह आढळल्याने खळबळ उडाली आहे. धारदार शस्त्राने हात-पायावर वार केल्याच्या खुणा मृतदेहावर दिसत आहेत. त्यामुळे खून करुन तरुणाचा मृतदेह पाण्यामध्ये फेकून दिल्याचा प्रकार उघडकीस आला आहे.
संबंधित मृतदेहाचे तुकडे करण्यात आले आहेत. धारदार शस्त्राने डोके मानेपासून बाजूला करून दोन्ही हात व दोन्ही पाय कापले आहेत. मृताची ओळख पटू नये म्हणून त्याचे अवयव प्लास्टिकच्या कागदामध्ये निळ्या, पांढऱ्या रंगाच्या पिशव्यांमध्ये भरून पुरावा नष्ट करण्याच्या हेतूने जलाशयात फेकल्याचा प्रकार झाला आहे.
एवढ्या निर्घृणपणे खून केल्याचा प्रकार उघडकीस आल्याने बारामती विभागाचे अप्पर पोलीस अधीक्षक आनंद भोईटे, स्थानिक गुन्हे शाखेचे पोलीस निरीक्षक अविनाश शिळीमकर, भिगवण पोलीस ठाण्याचे सहाय्यक पोलीस निरीक्षक दिलीप पवार, पोलीस उपनिरीक्षक रुपेश कदम यांनी घटनास्थळी भेट देऊन माहिती घेतली व सदर गुन्ह्याच्या अनुषंगाने तपास सुरू केला आहे.
धरणाकाठी कपडे, आधार कार्ड अन् ७५ रुपये; पाण्यात केशवचा शोध घेतला, पण…
मृताचे वय अंदाजे ३० ते ३५ वर्षाचे असून दोन्ही हात पाय बाजूला व डोके बाजूला केले असून मयताच्या उजव्या हाताचे मनगटाच्या पाठीमागे टॅटू काढलेला आहे. मयताची ओळख अद्याप पटलेली असून यासाठी नागरिकांना पोलिसांनी आवाहन केले आहे.
बाबा म्हणायचे गाडी सावकाश चालव, आता… पत्रकार वारिशेंच्या हत्येनंतर कुटुंबाचा हंबरडा