Pathaan Box Office- पठाणची त्सुनामी सुरुच, पहिल्या दिवसापेक्षा जास्त झाली दुसऱ्या दिवशी कमाई

मुंबई- शाहरुख खान, दीपिका पदुकोण आणि जॉन अब्राहम स्टारर ‘पठाण’ सिनेमाने सलग दुसऱ्या दिवशीही तगडी कमाई केली. पहिल्या दिवशी ‘पठाण’ने सर्वाधिक कमाई केल्याचा विक्रम केला आणि आता दुसऱ्या दिवशी म्हणजे प्रजासत्ताक दिनी सिनेमाने कोट्यवधींची कमाई केली. ‘पठाण’ने दुसऱ्या दिवशी जवळपास ७० कोटींची कमाई केली.

गेल्या काही वर्षांमध्ये कोणत्याही सिनेमाने दुसऱ्या दिवशी एवढी कमाई केली नव्हती. त्यामुळे ‘पठाण’च्या यशाने फक्त शाहरुखची टीमच नाही तर संपूर्ण बॉलिवूड आनंदित झालं आहे. शाहरुख खानच्या ‘पठाण’ चित्रपटाला दुसऱ्या दिवशी राष्ट्रीय सुट्टीचा चांगलाच फायदा झाला आहे. शाहरुख स्टारर सिनेमात दीपिका पादुकोण, जॉन अब्राहम यांच्याशिवाय आशुतोष राणा, डिंपल कपाडिया यांच्याही महत्त्वाच्या भूमिका आहेत.

‘पठाण’च्या यशाने पाकिस्तानी पत्रकाराला झाली पोटदुखी, म्हणाला…
‘पठाण’ने दुसऱ्या दिवशी जवळपास ७० कोटींची कमाई केली

‘पठाण’ने पहिल्याच दिवशी जवळपास ५१ कोटींची कमाई केली असून यासोबतच बॉलिवूडच्या इतिहासातील सर्वाधिक कमाई करणाऱ्या सिनेमाचा विक्रमही आपल्या नावावर केला. सिनेमाने दुसऱ्या दिवशी देशभरात १०० कोटींचा टप्पा सहज पार केला आहे. बॉक्स ऑफिस इंडिया या फिल्म कलेक्शनवर काम करणाऱ्या वेबसाइटच्या रिपोर्टनुसार, ‘पठाण’ने हिंदी पट्ट्यात जवळपास ७० कोटींची कमाई केली. असं असलं तरी कमाईचा अंतिम आकडा अजून येणं बाकी आहे, जो कदाचित यापेक्षाही जास्त असू शकते. सिनेमाने दोन दिवसांत १२५ कोटींची कमाई केल्याचं बोललं जात आहे.

देशासाठी काय करू शकतो.. शाहरुखने ‘पठाण’ स्टाइलमध्ये सांगितलं

‘पठाण’ने बॉक्स ऑफिसवर त्सुनामी आणली

सिनेमाच्या दोन दिवसांच्या कमाईबद्दल बोलायचं झाले तर, पठाणने ‘केजीएफ २’ आणि ‘बाहुबली: द कनक्ल्युजन’ या सिनेमांना टक्कर दिली आहे. ‘पठाण’चा बॉक्स ऑफिसवर धुमाकूळ तर आता कुठे सुरू झाला आहे. येत्या काही दिवसांमध्ये हा सिनेमा अनेक रेकॉर्ड ब्रेक करेल यात काही शंका नाही.