बीडचे आमदार संदीप क्षीरसागर यांच्या मामांचे निधन, हायवेवर गाडी चार वेळा उलटून चक्काचूर

बीड : राष्ट्रवादीचे आमदार संदीप क्षीरसागर यांच्या मामांचा अपघाती मृत्यू झाला. सोलापूर धुळे राष्ट्रीय महामार्गावर त्यांच्या कारला अपघात झाला. भरधाव वेगात असलेल्या कारवरील नियंत्रण सुटल्याने अपघात झाल्याची माहिती आहे. रस्त्यावर उभ्या असलेल्या कारला वाचवताना हा अपघात झाल्याची माहिती आहे.

संदीप क्षीरसागर यांच्या मामांचा अपघाती मृत्यू झाला. संदीप क्षीरसागर हे बीड जिल्ह्यातील बीड विधानसभा मतदार संघातून राष्ट्रवादीच्या तिकिटावर विद्यमान आमदार आहेत.

संदीप क्षीरसागर यांच्या मामांचा गेवराई पोलीस स्टेशनच्या हद्दीत गढी नजीक कार अपघातात मृत्यू झाला आहे. सोलापूर धुळे राष्ट्रीय महामार्गावर भरधाव वेगात असलेल्या कारवरील नियंत्रण सुटल्याने अपघात झाला आहे. हा अपघात रस्त्यावर उभ्या असणाऱ्या गाडीला वाचवताना घडला असल्याची माहिती गेवराई पोलिसांनी दिली.

ज्याला जीव लावला, त्या बैलानेच जीव घेतला; शर्ट बदलल्याने घात झाला, कोकणात हळहळ
या अपघातात ब्रेजा कारने चार ते पाच पलट्या घेतल्या असल्याची प्राथमिक माहिती आहे. घटनास्थळी जमादार साजेद सिद्दीकी पुढील तपास करीत आहेत.

पुण्यात नवले पुलावर पुन्हा अपघात, कंटेनरची चार गाड्यांना धडक, क्रेटा चेंडूसारखी हवेत उसळली
मयत माणिक रायजादे (वय ६५ वर्ष) असे अपघातात मयत झालेल्या मामांचे नाव आहे. त्यांच्या मृतदेहाची बीड जिल्हा रुग्णालयात उत्तरीय तपासणी करून मृतदेह सिन्नरकडे हलविला असल्याची माहिती समजते आहे.