गळाभेटीने झाले देवाचे दर्शन! गो प्रेमींचा व्हेलेंटाइन्स डे चर्चेत, गायीची गळाभेट घेत साजरा केला दिवस

जळगाव : ‘व्हॅलेंटाइन्स डे’ म्हटलं की, सर्व जण अनोख्या पध्दतीने वेगवेगळ्या व्यक्तींबद्दल वेगळ्या पध्दतीने प्रेम व्यक्त करत असतात. जळगावात आज अशा एका अनोख्या प्रेमाचा प्रत्यय आला आहे. जळगावातील गो प्रेमींनी गायीला गळाभेट करत गायीवरील प्रेम व्यक्त केले. या अनोख्या पध्दतीने व्हॅलेटाइन्स डे साजरा करण्याची चर्चा जळगावात ऐकायला मिळत आहे.

जगभरात आज व्हॅलेंटाईन्स डे साजरा होत असून तरुणाईमध्ये मोठा उत्साह पाहायला मिळत आहे. प्रेम करताना प्राणीमात्रांवर व पर्यावरणावरही केले पाहिजे. याच संकल्पनेतून गोभक्तांतर्फे गायीच्या गळा भेटीचे आयोजन करण्यात आले होते. व्हॅलेंटाइन्स डेच्या निमित्ताने आज जळगावमधील पांजरापोळ गोशाळेत गायीसोबत गळा भेटीचा कार्यक्रम पार पडला.

Valentine’s Day: प्रेमात पडल्यावर आपल्या मनात आणि शरीरात नेमकं काय होतं, प्रेमाची केमिस्ट्री जाणून घ्या
‘गळाभेटीने झाले देवाचे दर्शन’

यावेळी महिला व पुरूष गो प्रेमींनी गोशाळेत येवून गायीला अलिंगन देत गायीवर प्रेम व्यक्त केले आणि आपला व्हॅलेंटाइन्स डे साजरा केला. यावेळी गोप्रेमींमध्ये मोठा आनंद असल्याचे पाहायला मिळाले. गायीच्या गळाभेटीने आपल्याला आनंद झाल्याचे गोप्रेमींनी म्हटले. तसेच आपल्याला देवाचे दर्शन झाल्याचेही गोभक्तांनी आपल्या भावना व्यक्त करताना म्हटले आहे. यावेळी गोशाळेत मोठ्या संख्येने गोप्रेमींची गर्दी झाल्याचं पाहायला मिळालं.

लग्नाला झाले होते फक्त ४ महिने, विवाहित पुतणी काकासोबत पळून गेली; घरातील २ लाख रुपये, दागिनेही नेले
‘प्राण्यांवरही प्रेम करा’ हा दिला संदेश

केवळ माणसांवर नाही, तर प्राण्यांवरही प्रेम केलं पाहिजे, हाच संदेश या अनोख्या उपक्रमातून गोप्रेमींनी दिला आहे. भारतीय संस्कृतीनुसार गो माता ही कामधेनू माता असून यश समृध्दी देण्याचे काम कामधेनू करते असे मानले जाते. म्हणून तिला आपण जेवढे प्रेम देऊ, तेवढे जास्तीत जास्त प्रेम ती आपल्याला देत असते. त्यामुळे आज संपूर्ण भारतात व्हॅलेंटाईन डे च्या दिवशी गायीशी मेत्री करा, असा उपक्रम राबविण्यात येत असून त्याच पार्श्वभूमीवर जळगावात पांझरापोळ गो शाळेत हा कार्यक्रम पार पडला. अशी माहिती गोसेवक ॲड. विजय काबरा यांनी दिली.

पुण्यात खळबळ, राष्ट्रवादी काँग्रेसच्या नेत्यावर विनयभंगाचा गुन्हा दाखल, भररस्त्यात गैरवर्तन केल्याचा आरोप
‘व्हॅलेंटाइन्स डे म्हणजे सृष्टीतील सर्वांप्रती प्रेम व्यक्त करणे’

हिंदू धर्मियांमध्ये गायीला जगतमाता म्हटले जाते. गो मातेचे जे पूजन करतात, त्यांना चारही बाजूने प्रेम समृध्दी आणि सुख संपत्ती मिळते अशी नागरिकांमध्ये धारणा असल्याने आज व्हॅलेंटाईन डे च्या दिवशी पांझरापोळ शाळेत गायीला गळाभेट करण्यासाठी जळगाव शहरातील नागरिकांनी मोठी गर्दी केल्याचं पहायला मिळालं. प्रेम दिलं की आपल्याला दुप्पट प्रेम मिळतं. त्यामुळे आम्ही गायीवर प्रेम व्यक्त करण्यासाठी तिच्यासोबत मैत्री करण्यासाठी आल्याचं यावेळी गोप्रेमी महिलांनी सांगितलं. व्हॅलेंटाइन्स डे म्हणजे गुलाब पुष्प देवून तरुण तरुणींनी प्रेम व्यक्त करणं नव्हे तर, संपूर्ण सृष्टीत जे थोर, ज्येष्ठ असतील त्या सर्वांप्रती प्रेमाची भावना ठेवणे असाही त्यांचा अर्थ असल्याचे मत यावेळी गोप्रेमींनी व्यक्‍त केले. आजच्या दिवशी गायीची गळाभेट केल्याचा मोठा आनंद झाल्याची भावना यावेळी बोलताना गोप्रेमींनी व्यक्त केल्या.