Tej Police Times
पुणे: कसबा पोट निवडणुकीसाठी निवडणूक अधिकारी आणि पोलीस चेक पोस्टवर गाड्यांचा तपास करत असताना एका गाडीमध्ये पाच लाखाची रोकड आढळून आली आहे. तात्काळ कारवाई करत स्वारगेट पोलीस आणि निवडणूक अधिकारी यांनी ही रोकड जप्त केली आहे. याबाबत पोलिसांनी वरिष्ठ निरीक्षक अशोक इंदलकर यांनी दिली. कारवाई करत गाडी जप्त करून चालकाला ताब्यात घेतलं आहे. हे पैसे कशासाठी वापरले जाणार होते, याची माहिती अजून मिळाली नाही. मात्र आता निवडणुकीच्या पार्श्वभूमीवर पोलीस आता अधिक सतर्क झाली आहे.
आढळून आलेल्या रकमेनंतर निवडणूक अधिकारी स्वारगेट पोलीस स्टेशनमध्ये याबाबत अधिक चौकशी करत आहेत. ज्या गाडीत ही रक्कम आढळून आली आहे, त्या गाडी चालकाकडे पोलिसांकडून कसून चौकशी केली जात आहे. मात्र, चालकाकडून योग्य उत्तर मिळत नसल्याने निवडणुकीसाठीच ही रोकड आणली असल्याचा संशय व्यक्त केला जात आहे. जर ही रक्कम वाटण्यासाठी आणली असल्यास यातील काही रक्कम वाटण्यात आली आहे का, याचा तपास पोलीस करत असून, ऐन मतदानापूर्वी एवढ्या मोठ्या प्रमाणात रोकड आढळून आल्याने खळबळ उडाली आहे.