Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
म. टा. प्रतिनिधी, पुणे
महापालिकेकडून दुसऱ्या टप्प्यातील भरती प्रक्रिया सुरू करण्यात आली आहे. मात्र, पहिल्या टप्प्याच्या तुलनेत या टप्प्याला कमी प्रतिसाद मिळत असल्याचे चित्र आहे. अर्ज भरण्यास सुरुवात झाल्यानंतर १८ दिवसांत फक्त ४,२१८ अर्ज आले आहेत. पैकी ३,७७५ अर्ज पात्र ठरले. अर्ज करण्यासाठी आता केवळ दोनच दिवस शिल्लक आहेत.
महापालिकेकडून दुसऱ्या टप्प्यातील भरती प्रक्रिया सुरू करण्यात आली आहे. मात्र, पहिल्या टप्प्याच्या तुलनेत या टप्प्याला कमी प्रतिसाद मिळत असल्याचे चित्र आहे. अर्ज भरण्यास सुरुवात झाल्यानंतर १८ दिवसांत फक्त ४,२१८ अर्ज आले आहेत. पैकी ३,७७५ अर्ज पात्र ठरले. अर्ज करण्यासाठी आता केवळ दोनच दिवस शिल्लक आहेत.
महापालिकेतर्फे ‘वर्ग १’, ‘वर्ग २’ आणि ‘वर्ग ३’मधील रिक्त पदांसाठी सरळ सेवा प्रवेशाने भरती केली जात आहे. महापालिकेच्या भरतीप्रक्रियेतील हा दुसरा टप्पा असून, पहिल्या टप्प्यात ४४८ जागा भरण्यात आल्या आहेत. या भरतीत सहायक विधी अधिकारी, सहायक अतिक्रमण निरीक्षक, कनिष्ठ अभियंता, लिपिक आदी पदे भरण्यात आली. ‘इन्स्टिट्यूट ऑफ बँकिंग पर्सोनल सिलेक्शन’मार्फत (आयबीपीएस) ही परीक्षा घेण्यात आली.
महापालिकेचे रोस्टर अद्ययावत केल्यानंतर आता दुसऱ्या टप्प्याची भरती सुरू झाली आहे. या भरतीमध्ये आरोग्य, उद्यान, अभियांत्रिकी, तांत्रिक व अग्निशमन विभागातील पदे भरण्यात येणार आहेत. या भरतीसाठी शनिवारपर्यंत महापालिकेकडे चार हजारांहून अधिक अर्ज आले. प्राणिसंग्रहालय उपसंचालक या पदासाठी एकही अर्ज प्राप्त झालेला नाही.
अग्निशमन विभागातील फायरमन पदासाठीच्या २०० जागांसाठी १६३० अर्ज आले आहेत. यंदा या पदावर महिलांनाही संधी देण्यात आली आहे. औषधनिर्माता पदासाठी ११५२ अर्ज दाखल झाले आहेत. त्यातील १०४४ अर्ज पात्र ठरले. कनिष्ठ अभियंता (विद्युत) या पदासाठी प्राप्त ७४१ अर्जांपैकी ६१८ अर्ज पात्र ठरले. आरोग्य निरीक्षक पदासाठीच्या २४९ अर्जांपैकी २२३ अर्ज पात्र ठरले. वैद्यकीय अधिकारी पदासाठीच्या १६२ अर्जांपैकी १५१ अर्ज पात्र ठरले.