करून दाखवलं! तीन दिवसात ‘महाराष्ट्र शाहीर’ चित्रपटाची मोठी झेप; बॉक्स ऑफिसवर कमावले इतके कोटी

‘महाराष्ट्र शाहीर’ हा चित्रपट खुद्द शाहिरांचे नातू केदार शिंदे यांनी दिग्दर्शित केला आहे. त्यामुळे चित्रपटात काय टाकू आणि काय नको असं होण्याची शक्यता होती मात्र केदार यांनी फार कमी वेळात योग्य ते प्रसंग दाखवत बाबांचं जीवन पडद्यावर मांडलं. यासाठी अनेकांनी त्यांचं कौतुक केलं आहे. त्यातही अंकुशसारखा उंचपुरा देखणा व्यक्ती बाबांच्या शाहिरांच्या भूमिकेत कसा दिसेल याची अनेकांना धास्ती होती. मात्र जेव्हा अंकुशची लूक टेस्ट करण्यात आली त्यात तो हुबेहूब शाहिरांसारखा दिसला आणि सगळ्यांच्या डोळ्यात पाणी उभं राहीलं. आता त्या सगळ्यांनी केलेल्या मेहनतीचं चीज झालं आहे असं म्हणावं लागेल. एका वेबसाइटने दिलेल्या माहितीनुसार, या चित्रपटाने पहिल्या दिवशी बॉक्स ऑफिसवर ४५ लाखांची कमाई केली होती. त्यानंतर दुसऱ्या दिवशी चित्रपटाच्या कमाईत वाढ झालेली दिसून आली.

चित्रपटाला माऊथ पब्लिसिटीचा फायदा झाल्याचं दिसून आलं. त्यामुळे दुसऱ्या दिवशी चित्रपटाने ६० लाखांची कमाई केली आहे. आता दोनच दिवसात चित्रपटाने १ कोटींचा टप्पा पार केला आहे. तिसऱ्या दिवशीच्या कमाईचा आकडा समोर आला नसला तरी ही रविवारी चित्रपटाने चांगली कमाई केल्याचं समजतंय. त्यात आज १ मे म्हणजेच महाराष्ट्र दिनाच्या सुट्टीचा देखील चित्रपटाला फायदा होण्याची शक्यता आहे. हा चित्रपट आणखी किती मजल मारणार याकडे आता प्रेक्षकांचं लक्ष लागलं आहे.
फक्त साडी नेसून नाचतो म्हणून फळ्यावर नको ते शब्द लिहिलेले असायचे; तीनदा आत्महत्येचा प्रयत्न केला पण…