Mobile Recharge : मार्केटमध्ये आला नवा रिचार्ज प्लान, ४५ रुपयांमध्ये मिळेल १८० दिवसांची व्हॅलिडिटी

नवी दिल्ली : Vodafone Idea New Recharge : सध्या भारतीय बाजारात रिलायन्स जिओ, एअरटेलसह वोडाफोन-आयडिया या तीन कंपन्या आघाडीवर आहेत. सर्वाधिक ग्राहक या तीन कंपन्यांचेच आहेत. पण जिओ आणि एअरटेल या दोघांनी देखील ५जी सेवा देण्यास सुरुवात केल्याने आता वोडाफोन-आयडियाचं मार्केट कमी झालं आहे. त्यामुळे वोडाफोन-आयडिया आपल्या ग्राहकांना आकर्षित करण्यासाठी नवनवीन रिचार्ज घेऊन येत असून आता ४५ रुपयांचा एक नवा रिचार्ज प्लान आणला आहे. विशेष म्हणजे दिवसभरात खूप सारे कॉल्स येणाऱ्यांसाठी हा रिचार्च प्लान अगदी खास आहे. कारण यामध्ये तुम्हाला एखादा कॉल येऊन गेला तर Vi App च्या मदतीने रिमांयडर पाठवण्याची सुविधा देण्यात आली आहे. तर या ४५ रुपयांच्या प्लानबद्दल सविस्तर जाणून घेऊ…Vi च्या या ४५ रुपयांच्या प्लानमधील खास गोष्टी
वोडाफोन आयडियाच्या या प्लानची किंमत ४५ रुपये आहे आणि याची वैधता म्हणजेच व्हॅलिडिटी १८० दिवस आहे. त्यामुळे या प्लाननुसार ग्राहकांना दरदिवसाला फक्त ४ रुपये इतकाच खर्च येणार आहे. हा प्लान Vi च्या वेबसाईटवर Others या टॅबमध्ये लिस्ट करण्यात आला आहे. संपूर्ण ६ महिन्यासाठी हा प्लान युजर्सना मिस्ड कॉल अलर्ट देत असतो. ज्यांना दिवसभर खूप कॉल्स येतात, त्यांना कोणाकोणाचे कॉल आले होते हे आठवून देण्यासाठी हा प्लान अगदी बेस्ट आहे.

वाचा : आता तुमचं प्रायव्हेट चॅट राहिल एकदम ‘प्रायव्हेट’, असं लॉक करा WhatsApp

एक्स्ट्रा ५जीबी डेटाची ऑफर Vi ने आणली
वोडाफोन आयडिया आपले ग्राहक वाढवण्यासाठी खास ऑफर्स घेऊन येत आहे. त्यातील एका ऑफरमध्ये कंपनी आपल्या ग्राहकांना फ्री मध्ये ५जीबी एक्स्ट्रा डेटा देत आहे. याआधीही ही ऑफर होती, युजर्सच्या भरघोस प्रतिसादानंतर कंपनीनं ही ऑफर पुन्हा आणली आहे. पण १९९ च्या पुढील रिचार्जवरच ही ऑफर सध्यातरी कंपनीने ठेवली आहे.

वाचाः Solar Storm : सूर्यावरील मोठ्या धमाक्यानंतर पृथ्वीवरही पोहोचलं वादळ, लदाखमध्ये दिसला परिणाम