Tej Police Times
नवी दिल्ली :James webb telescope Captures 45000 galaxies : अंतराळ म्हणजे एक अशी जागा आहे जिथे कितीतरी रहस्य आहेत. नासासारख्या अंतराळ संस्था या रहस्यांचा शोध लावण्याचं काम करतात. यासाठी अंतराळात कितीतरी टेलिस्कोप लावण्यात आले आहेत. यातील एक भव्य असा जेम्स वेब स्पेस टेलिस्कोप अंतराळात तैनात केलेली एकप्रकारची सर्वात मोठी दुर्बीण आहे. या टेलिस्कोपने आतापर्यंत अवकाशातील कितीतरी न पाहिलेली छायाचित्रे जगाला दाखवली आहेत. आताही त्याने एक अविश्वसनीय फोटो कॅप्चर केला आहे, ज्यामध्ये एका फ्रेममध्ये तब्बल ४५ हजार आकाशगंगा दिसत आहेत.अॅरिझोना विद्यापीठाच्या अहवालानुसार, JWST ची छायाचित्रे प्रगत डीप एक्स्ट्रागॅलेक्टिक सर्वेक्षण कार्यक्रमांतर्गत घेण्यात आली आहेत. या कार्यक्रमांतर्गत ३२ दिवसांत त्या आकाशगंगा आणि तारे कॅमेऱ्यात टिपले जातील, जे पृथ्वीपासून फारच दूरवर आहेत. विश्वात तारे आणि आकाशगंगा कशा तयार झाल्या हे समजण्यासाठी खगोलशास्त्रज्ञ बऱ्याच काळापासून प्रयत्न करत आहेत. विद्यापीठातील प्रोफेसर मार्सिया रीके यांनी सांगितले की, या सर्वेक्षण कार्यक्रमाद्वारे आम्हाला अवकाशातील अनेक प्रश्नांची उत्तरे हवी आहेत.
जेम्स वेब स्पेस टेलिस्कोप आहे तरी काय?
जेम्स वेब स्पेस टेलीस्कोप हा आतापर्यंत अंतराळात तैनात केलेला सर्वात मोठा टेलिस्कोप आहे. नासाने हा टेलिस्कोप डिसेंबर २०२१ मध्ये लाँच केला. जेम्स वेबच्या बांधकामासाठी १० अब्ज डॉलर (सुमारे ७५,३३० कोटी रुपये) खर्च केले गेले आहेत. या दुर्बिणीने खोल अंतराळातील अनेक अद्भुत चित्रे दाखवली आहेत. जेम्स वेब दुर्बिणीने गेल्या वर्षी जूनमध्ये आपले काम सुरू केले होते, तोपर्यंत ती अंतराळात स्थिरावली होती.
जेम्स वेब स्पेस टेलिस्कोप आहे तरी काय?
जेम्स वेब स्पेस टेलीस्कोप हा आतापर्यंत अंतराळात तैनात केलेला सर्वात मोठा टेलिस्कोप आहे. नासाने हा टेलिस्कोप डिसेंबर २०२१ मध्ये लाँच केला. जेम्स वेबच्या बांधकामासाठी १० अब्ज डॉलर (सुमारे ७५,३३० कोटी रुपये) खर्च केले गेले आहेत. या दुर्बिणीने खोल अंतराळातील अनेक अद्भुत चित्रे दाखवली आहेत. जेम्स वेब दुर्बिणीने गेल्या वर्षी जूनमध्ये आपले काम सुरू केले होते, तोपर्यंत ती अंतराळात स्थिरावली होती.
नासाने सुरु केली पुढची तयारी
जेम्स वेब टेलिस्कोपने काम सुरू करून आता फक्त एक वर्ष झालं आहे आणि नासाने आणखी एका टेलिस्कोपची तयारी देखील सुरू केली आहे. जी सुरू करण्यासाठी सुमारे २ दशके म्हणजे २० वर्षे लागू शकतात. यूएस स्पेस एजन्सी नासाने मागील मोहिमांमधून जे काही शिकले आहे त्यावर आधारित नवीन टेलिस्कोपची रचना केली जाईल.
वाचा : घरबसल्या आधार कार्ड ‘फ्री’ मध्ये करा अपडेट, १५ जून २०२३ पर्यंत संधी, त्यानंतर मोजावे लागणार पैसे