​Rent AC : तुम्हाला माहित आहे का? एसीपण भाड्यावर घेता येतो, वाचा सविस्तर

​विश्वासू डीलरकडूनच एसी भाड्याने घ्या

बाजारात अनेक एसी भाड्याने देणार्‍या कंपन्या उपलब्ध आहेत. पण अशामध्ये तुम्‍हाला खात्री करून घ्यावी लागेल की यापैकी कोणती किंपनी किंवा डिलर हा विश्‍वासार्ह आहे. कारण एसी भाड्याने घेतल्यावर त्याची कंडीशन, नंतरची सर्व्हिस हे सारं देखील महत्त्वाचं असतं. तसंच विश्वसनीय डीलर्सकडून भाड्याने घेतलेला एसी चांगली सेवा देऊ शकतो.

वाचा : समोरचा आपला कॉल रेकॉर्ड करतोय का? जाणून घेण्यासाठी ‘या’ सोप्या स्टेप्स करा फॉलो?​

​पेमेंट करण्यापूर्वी एसी संपूर्णपणे तपासा

एसी भाड्याने घेताना लक्षात घेण्यासारखी आणखी एक महत्त्वाची गोष्ट म्हणजे एसी सर्व्हिस केलेला आहे की नाही, त्यात रिमोट आहे का आणि कूलिंग योग्य प्रकारे चालते की नाही हे सर्व नक्की तपासलं पाहिजे. तसंच आपल्या सर्वांना माहीत आहे की, जुन्या एसीमध्ये अनेक समस्या असतात आणि तुम्हाला मिळत असलेला एसी किती वर्षे जुना आहे ते देखील तपासलं पाहिजे. यामुळे तुम्हाला वीज बिलात देखील बचत होईल.

वाचा : Twitter देणार YouTube ला टक्कर, लवकरच स्वत:चं व्हिडीओ ॲप लाँच करणार

​

​सर्व्हिस आणि मेटेंनस पॉलिसीही तपासून घ्या

तुम्ही ज्या विक्रेत्याकडून एसी भाड्याने घेत असाल त्या विक्रेत्याबद्दल नीट चौकशी करा तसंच त्याची भविष्यातील सर्व्हिस, वॉरंटी आणि मेटेंनस पॉलिसी हे देखील तपासणं गरजेचं आहे. विक्रेता एसीच्या सर्व सेवा आणि देखभालीची काळजी घेईल की तुम्हाला त्यासाठी अतिरिक्त पैसे द्यावे लागतील याची खात्री असणें आवश्यक आहे.

​वाचा : ChatGPT म्हणजे नेमकं काय? खरंच यामुळे नोकऱ्या धोक्यात आहेत का? संपूर्ण माहिती एका क्लिकवर

​एसी घेण्यापूर्वी रुमचा आकार तपासा

एसीची कुलिंग आणि पॉवर किती असेल यासाठी खोलीचा आकार महत्त्वाचा आहे. आता, तुमच्याकडे मध्यम आकाराची खोली असल्यास किमान १.५ टन क्षमतेचा एसी घ्या. लहान खोल्यांसाठी, तुम्ही 1-टन एसीची देखील निवड करू शकता. कारण खोलीच्या हिशोबाने एसी घेतल्यास तो अधिक चांगलं आणि वेगाने कुलिंग करु शकतो.

वाचा : Meta Verified: आता ६९९ रुपये देऊन इन्स्टाग्रामसह फेसबुकही होणार वेरिफायड, मेटा वेरिफायड भारतात लाँच

एसीची रेटिंग पाहून घ्या

तुम्ही नवीन एसी खरेदी करता तेव्हा तो ५ स्टार आहे की ४ स्टार एसी आहे हे तपासता. भाड्याच्या एसींसाठीही असेच करा. विक्रेत्याला एसी रेटिंगबद्दल विचारा आणि तुम्ही जुना किंवा वापरलेला एसी खरेदी करत असाल तर एसी किमान ५ किंवा ४ स्टार आहे याची खात्री करा. हे तुम्हाला वीज बिलात बचत करण्यास मदत करेल. तसंच एसी भाड्याने घेताना, बार्गेनिंग करा कारण यामुळे तुम्हाला चांगली डिल मिळू शकते.

​वाचा : जर प्राणी माणसांसारखे दिसले असते तर? AI नं तयार केलेले हे ‘विचित्र’ फोटो पाहिले का?​

किंमतीच्या बाबतीत खास काळजी घ्या

एसी विक्रेते जे भाड्याने एसी देतात ते अनेकदा ग्राहकांना एसीसाठी डिपॉजीट म्हणून काही रक्कम जमा करण्यास सांगतात. तुम्ही एसी परत केल्यावर ती रक्कम परत केली असली तरी, नेमकी किती रक्कम ठेवायची याबाबत नीट विचार आणि चौकशी करुन निर्णय़ घ्या. तसंच एसी भाड्याने घेताना इन्स्टॉलेशन आणि इतर खर्चाबाबतही आधीच चर्चा करा.

वाचाः फक्त ९९९ रुपये खर्च करा आणि अनलिमिटेड डेटा, कॉलिंग सोबत OTT प्लान्स मिळवा