Tej Police Times
या अल्गोरिदमने कळणार भविष्यातील हेल्थ कंडीशनही
तर गुगलच्या या खास अल्गोरिदमने हेल्थ क्षेत्रात अमुलाग्र बदल होऊ शकतात. म्हणजे या अल्गोरिदममधून व्यक्तीला ऑपरेशनची गरज भासल्यास लगेच कळणे शक्य होईल, इथवर अपेक्षा होती. पण एआयचे काम इथेच संपले नाही. हा Google चा हा खास अल्गोरिदम पुढील ५ वर्षांमध्ये एखाद्या व्यक्तीची मेडिकल स्थितीचा तसंच हृदयविकाराच्या जोखमीचा अंदाज लावू शकणार आहे. विशेष म्हणजे हे सर्व रेटिनल इमेजवर आधारित असेल.
वाचा :Smartphone Camera Care : मोबाईलचा कॅमेरा साफ करताना ‘या’ गोष्टींची घ्या काळजी, नाहीतर कॅमेराच होईल खराब
AI आणि Eye
तर या खास AI तंत्रज्ञानाने डोळयातील पडदा हा एक प्रकारे शरीराचा दरवाजा बनला आहे ज्यातून डोकावून शरीरात होणारे किंवा येणारे रोग शोधले जाऊ शकतात. डोळ्यात रक्तवाहिन्यांनी भरलेली एक भिंत असते जी शरीराच्या एकूण आरोग्याची माहिती प्रतिबिंबित करते. याचा अभ्यास करून डॉक्टर व्यक्तीचा रक्तदाब, वय आणि धूम्रपानाच्या सवयी आणि हृदयविकाराची माहिती घेऊ शकणार आहेत.
वाचा : Vi Recharge : वोडाफोन आयडियानं आणला खास रिचार्ज, ५० जीबी डेटा मिळणार फ्री, आजच करा रिचार्ज
हेल्थ डायग्नोस्टिक्सचं फ्युचर
तर हे खास तंत्रज्ञान एक प्रकारे रोग लवकर शोधण्यासाठीचा एक क्रांतिकारी मार्ग आहे. यामुळे आता डॉक्टरांना धोका ओळखणे सोपे जाते. हे तंत्रज्ञान हायटेक वैद्यकीय सुविधांपेक्षाही भारी आहे. वैद्यकीय सुविधा नसलेल्या गावांमध्ये किंवा भागात परवडणाऱ्या आणि पोर्टेबल गियर किंवा स्मार्टफोनच्या मदतीने दृष्टी तपासणी केली जाऊ शकते. रुग्ण स्वत:ही फोटो घेऊन क्लाउडवर अपलोड करून डॉक्टरांकडून काही मिनिटांत निकाल मिळवू शकतात. त्यामुळे हेल्थ डायग्नोस्टिक्सचं हे फ्युचर असल्याचं म्हटलं जात आहे.
वाचा : समोरचा आपला कॉल रेकॉर्ड करतोय का? जाणून घेण्यासाठी ‘या’ सोप्या स्टेप्स करा फॉलो?
डोळ्यांच्या पडद्याच्या स्कॅनने कळणार आजार
Google AI मुळे लवकरच सर्वच क्षेत्रांमध्ये मोठमोठे बदल होऊन अनेकांना याचा फायदा होईल. हे बोलत असताना सुंदर पिचाई यांनी सांगितले की, Google AI चा वापर करून, डोळ्याच्या रेटिना म्हणजेच डोळ्याचे पडदे स्कॅन करून अनेक रोग शोधले जाऊ शकतात. इतकंच नाही तर आजारांचा अंदाजही लावू शकतो. त्यासाठी रक्ताचा नमुना आणि चीरा वगैरे लावण्याची गरज भासणार नाही.
वाचा : BSNL चा एक वर्षाचा रिचार्ज अगदी स्वस्तात, महिन्याला खर्च करा फक्त १२६ रुपये, दररोज मिळेल 2GB डेटा
गंभीर स्थितीआधीच कळेल आजार
अनेकदा रोगांचे निदान लवकर झाल्यास त्याला बरे करता येते. आता या नव्या AI तंत्रज्ञानामुळे हेच शक्य होणार आहे. कंपनीच्या माहितीनुसार गुगल एआयच्या मदतीने फक्त एक डॉक्टर अनेक वैद्यकीय अहवालांचे विश्लेषण करू शकणार. २४ तास किंवा ४८ तासांनंतर लगेचच रुग्णाची स्थिती काय असू शकते याचा अंदाज देखील डॉक्टरांना शक्य होईल. अशा स्थितीत डॉक्टरांची नियुक्ती करणे सोपे जाईल. त्यामुळे एकंदरीत हे तंत्रज्ञान एक खूप मोठा फायदेशीर बदल ठरणार आहे.
वाचा :ChatGPT म्हणजे नेमकं काय? खरंच यामुळे नोकऱ्या धोक्यात आहेत का? संपूर्ण माहिती एका क्लिकवर