आता सारखं रिचार्जचं टेन्शन नाही, ‘हे’ आहेत 365 Days Validity असणारे जिओ, एअरटेल, वोडाफोन-आयडियाचे रिचार्ज

​एअरटेलचे ३६५ दिवस वैधतेचे रिचार्ज

एअरटेल एकापेक्षा अधिक ३६५ दिवसांच्या वैधतेसह येणारे प्लान घेऊन येत आहेत. यामधील सर्वात कमी किंमतीचा प्लान म्हणाल तर १७९९ रुपयांचा आहे. यामध्ये ३६५ दिवसांची वैधता येत असून यामध्ये अनलिमिटेड कॉलिंग एकूण ३६०० एसएमएस मिळणार आहेत. तसंच २४ जीबी डेटाही मिळणार आहे. तसंच अपोलो 24/7 सर्कल, फ्री हॅलोट्यून्स, फ्री विंक म्युझिक, फ्री हॅलोट्यून्स हे फायदेही मिळणार आहेत. याशिवाय २,९९९ रुपयांचा एक प्लानही आहे. यातही ३६५ दिवसांची वैधता मिळत असून यामध्ये दर दिवसासाठी २ जीबी डेटा मिळणार आहे. तसंच अनलिमिटेड कॉलिंगसह वरील सर्व बेनिफिट्स आणि दरदिवसासाठी १०० एसएमएस मिळणार आहे

​वाचा : Google Maps : ड्रायव्हिंग करताना गुगल मॅप वापरता? ‘हे’ पाच फीचर्स वापरा, पैसे आणि वेळ दोन्ही वाचेल

​एअरटेलचा ३३२५ रुपयांचा रिचार्ज

हा या यादीतील एअरटेलचा सर्वात महागडा रिचार्ज असून यामध्ये दरदिवसासाठी तब्बल २.५ जीबी डेटा मिळणार आहे. यामध्येही अनलिमिटेड कॉलिंगसह दरोरजसाठी १०० एसएमएस मिळणार आहेत. तसंच अपोलो 24/7 सर्कल, फ्री हॅलोट्यून्स, फ्री विंक म्युझिक, फ्री हॅलोट्यून्स हे फायदेही मिळणार आहेत. याशिवाय खास गोष्ट म्हणजे डिज्नी प्लस हॉटस्टारचं एक वर्षाचं सब्सक्रिप्शन देखील या प्लानमध्ये मिळणार आहे.
वाचा : Upcoming Smartphones : नवा फोन घ्यायचा विचार करताय? थांबा, भारतात लाँच होत आहेत दमदार स्मार्टफोन्स

​जिओचा ३६५ दिवस वैधतेचे रिचार्ज

जिओ कंपनीच्या या प्लानची किंमत २,९९९ रुपये आहे. या प्लानची वैधता एकूण ३८८ दिवस आहे. म्हणजे ३६५ दिवसांचा हा रिचार्ज असून याला आणखी २३ दिवस अधिकची वैधता कंपनीने दिली आहे. यामध्ये दरदिवसाला २.५ जीबी डेटा मिळणार असून याशिवाय अनलिमिटेड कॉलिंग तसंच १०० एसएमएस दरदिवसाला मिळणार आहे. प्लानमध्ये एकूण ७५ जीबी अधिकचा डेटाही मिळणार आहे. तसंच यात जिओ अॅप्सचं मोफत सब्सक्रिप्शनही मिळत आहे.

वाचा : Smartphone Care : ‘हे’ ५ गॅजेट्स वापरा, स्कॅमर्स, हॅकर्स सर्वांपासून फोन राहिल एकदम सेफ

बीएसएनएलचे ३६५ दिवस वैधतेचे रिचार्ज

केंद्रसरकारची टेलिकॉम कंपनी बीएसएनएल देखील एक वर्षाच्या वैधतेचे रिचार्ज घेऊन आली आहे. यामध्ये एक प्लान हा २३९९ रुपयांचा प्लान आहे. यात ३६५ दिवसांसाठी दररोज २ जीबी डेटा मिळणार आहे. तसंच अनलिमिटेड कॉलिंग आणि १०० एसएमएस यात असून ३० दिवसांसाठी फ्री पर्सनलाईड्ट रिंग बॅक टोन आणि ३० दिवसांसाठी इरॉस नाऊ एंटरटेनमेंट सर्व्हिस मिळणार आहे. तसंच २९९९ रुपयांचा प्लानही यात असून यातगही वरील फायद्यांसह दरदिवसाला ३ जीबी डेटा मिळणार आहे.

​वाचा : ChatGPT म्हणजे नेमकं काय? खरंच यामुळे नोकऱ्या धोक्यात आहेत का? संपूर्ण माहिती एका क्लिकवर

वोडाफोन-आयडियाचे ३६५ दिवस वैधतेचे रिचार्ज

जिओ, एअरटेलप्रमाणे अजून ५जी नेटवर्क वोडाफोन आयडियाने नसलं आणलं तरी त्यांचे रिचार्ज एकापेक्षा एक दमदार असे आहेत. यामध्ये ३६५ दिवस वैधतेचे रिचार्जेस असून यातील एका रिजार्जची किंमत २,९९९ आहे. यामध्ये तब्बल ८५० जीबी डेटा मिळणार असून अनलिमिटेड कॉलिंग आणि दिवसाला १०० एसएमएस मिळणार आहेत. तसंच बिंज ऑलनाईटचे फायदेही आहे, ज्यात रात्री १२ ते सकाळी ६ अनलिमिटेड इंटरनेट मिळेल. याशिवाय वोडाफोन-आयडियाचा ३०९९ रुपयांचा एक प्लानही आहे, ज्यातही वरील सर्व फायदे असून दर दिवसाला २ जीबी डेटा मिळणार आहे.

वाचा : Nothing Phone 2 ‘या’ दिवसापासून करु शकता प्री-बुक, फ्लिपकार्टवर २ हजारांचा पेमेंट करावं लागणार​