Jio चे ‘हे’ आहेत धमाकेदार रिचार्ज, २९९ ते २,९९९ पर्यंत किंमत, अनलिमिटेड कॉलिंगसह 912GB डेटाही मिळणार

नवी दिल्ली : :रिलायन्स जिओकडे ग्राहकांच्या गरजा लक्षात घेता वेगवेगळ्या प्रकारचे रिचार्ज उपलब्ध आहेत. कंपनीच्या सर्वात लोकप्रिय मोबाइल प्लानबद्दल बोलायचं झालं तर, त्यांची किंमत २९९ रुपयांपासून सुरू होते. रिलायन्स जिओच्या वेबसाइटवर लोकप्रिय मोबाइल प्लान श्रेणीमध्ये ३ रिचार्ज पॅक उपलब्ध आहेत. त्यांची किंमत २९९ रुपये, ७१९ रुपये आणि २,९९९ रुपये अशी आहे. या प्लान्समध्ये अमर्यादित कॉलिंगसह दैनिक डेटा दिला जातो. या पॅकमध्ये ९१२ जीबीपर्यंत डेटाही मिळणार आहे. चलातर जिओच्या या रिचार्ज पॅकमध्ये उपलब्ध असलेल्या सर्व फायद्यांबद्दल जाणून घ्या…

रिलायन्स जिओचा २९९ रुपयांचा प्लान
रिलायन्स जिओच्या २९९ रुपयांच्या प्लानची वैधता २८ दिवसांची आहे. या प्लानमध्ये यूजर्सना 2 GB डेटानुसार एकूण 56 GB डेटा मिळतो. दैनंदिन डेटा मर्यादा संपल्यानंतर वेग 64Kbps पर्यंत कमी होतो. या पॅकमध्ये ग्राहकांना अनलिमिटेड व्हॉईस कॉलची सुविधा मिळते. म्हणजेच, वापरकर्ते देशभरातील कोणत्याही नेटवर्कवर स्थानिक, एसटीडी आणि व्हॉइस कॉल करू शकतात. प्लॅनमध्ये दररोज १०० एसएमएस ऑफर केले जातात. जिओच्या या नवीन प्लानमध्ये ग्राहकांना JioTV, JioCinema, JioSecurity आणि JioCloud चे मोफत सबस्क्रिप्शन मिळते. या प्लॅनमध्ये कंपनी ग्राहकांना अमर्यादित 5G डेटाचा लाभही देते.

रिलायन्स जिओचा ७१९ रुपयांचा प्लान
रिलायन्स जिओच्या ७१९ रुपयांच्या प्लानची वैधता ८४ दिवसांची आहे. या प्लानमध्ये ग्राहकांना दररोज 2 जीबी डेटासाठी एकूण 168 जीबी डेटा दिला जातो. प्लानमध्ये उपलब्ध दैनिक डेटा संपल्यानंतर, स्पीड 64Kbps पर्यंत कमी होतो. Jio च्या या रिचार्ज पॅकमध्ये देशभरात अमर्यादित व्हॉईस कॉल ऑफर केले जातात. ग्राहकाला एकूण 100SMS ऑफर केले जातात. Jio ग्राहकांना या प्लानमध्ये देखील JioTV, JioCinema, JioSecurity, JioCloud चे मोफत सबस्क्रिप्शन मिळते. 5G डेटा वापरणारे ग्राहक या प्लॅनमध्ये अमर्यादित 5G डेटा चालवू शकतात.

रिलायन्स जिओचा २,९९९ रुपयांचा प्लान
रिलायन्स जिओच्या २९९९ रुपयांच्या जिओ प्लानची वैधता ३६५ दिवसांची आहे. या प्लानमध्ये दररोज २.५ जीबी डेटा मिळतो. म्हणजेच, ग्राहक एकूण 912.5GB डेटाचा लाभ घेऊ शकतात. दररोज प्राप्त होणारा डेटा संपल्यानंतर, स्पीड 64Kbps वर राहते. प्लानमध्ये ग्राहक अमर्यादित 5G डेटाचा लाभ घेऊ शकतात.
जिओच्या या पॅकमध्ये देशभरात अमर्यादित लोकल आणि एसटीडी कॉलची सुविधा उपलब्ध आहे. या रिचार्ज पॅकमध्ये दररोज १०० एसएमएस देखील ऑफर केले जातात. सोबतच या प्लानमध्ये JioTV, JioCinema, JioSecurity आणि JioCloud ची सुविधा मोफत उपलब्ध आहे.

वाचा : AC Care : एसीची कुलिंग घरबसल्या वाढवा, फक्त ‘या’ सोप्या ट्रिक्स करा फॉलो