कोणत्याही विद्यापीठ किंवा कॉलेजमध्ये प्रवेश निश्चित करण्यापूर्वी हे नक्की तपासा

नॅक (नॅशनल असेसमेंट व ॲक्रेडीटेशन कौन्सिल):

कॉलेजमधील वातावरण, स्वच्छता, विद्यार्थ्यांची मतं यांच्या आधारावर ‘नॅक’द्वारे महाविद्यालये आणि विद्यापीठे यांचे मूल्यांकन करून त्यांना मानांकन दिले जाते. त्यामुळे, कोणत्याही कॉलेज किंवा विद्यापीठात प्रवेश घेण्यापूर्वी त्या संस्थेच्या माहितीबरोबर त्याच नॅक मूल्यांकन पाहणे आवश्यक आहे.

​http://www.naac.gov.in/​

नॅशनल बोर्ड ऑफ ॲक्रेडीटेशन (एनबीए):

इंजिनिअरिंग, मॅनेजमेंट, फार्मसी, आर्किटेक्चर, हॉस्पिटॅलिटी अभयस्करां चालवणाऱ्या संस्थांचे मूल्यांकन आणि मानांकनाचे काम नॅशनल बोर्ड ऑफ ॲक्रेडीटेशन ही संस्था करते.

​http://www.nbaind.org

(वाचा : Maharashtra Talathi Bharti 2023: महसूल व वन विभाग तलाठी पदभरती; ४३४४ पदांसाठी महाभरती )

​ऑल इंडिया काउन्सिल फॉर टेक्निकल एज्युकेशन (एआयसीटीई):

या नियामक मंडळाची स्थापना भारत सरकारद्वारे तांत्रिक शिक्षणाचा विकास आणि समन्वय या उद्देशाने करण्यात आली. त्याप्रमाणे, शैक्षणिक संस्थांकडून नियमांची व मानांकनाची अंमलबजावणी होते की नाही, याबाबत तपासणी केली जाते.

‘एआयसीटीई’द्वारे इंजिनिअरिंग, मॅनेजमेंट, फार्मसी, आर्किटेक्चर अभ्यासक्रम सुरु करण्यासाठी महाविद्यालयांना मान्यता दिली जाते. ‘एआयसीटीई’ची मान्यता नसल्यास सादर संस्था आणि अभ्यासक्रम बेकायदेशीर ठरवले जातात. सोबतच, पदवी आणि पदविका (डिग्री आणि डिप्लोमा) अभयसक्रमाबरोबरच परदेश संस्थांशी हातमिळवणी करून सुरु केलेल्या अभयसक्रमालादेखील ‘एआयसीटीई’ची परवानगी घेणे आवश्यक असते.

हल्ली मुक्त विद्यापीठे इंजिनिअरिंग पदवी आणि पदविका अभ्यासक्रम सुरु करतात. पण, त्यांना ‘एआयसीटीई’ मान्यता नसल्यास असे अभ्यासक्रम बेकायदेशीर ठरवले जातात. त्यामुळे प्रवेशपूर्वी विद्यार्थी आणि पालकांनी याविषयाची सगळी माहिती घेणे अत्यावश्यक आहे.

www.aicte-india.org

मेडिकल कौन्सिल ऑफ इंडिया :

ही संस्था एमबीबीएस व त्यानंतरच्या पदव्युत्तर अभ्यासक्रमांना मान्यता व जागा वाढूं देण्याचे काम करते. त्याचप्रमाणे भारतीय व परदेशातील अभ्यासक्रमांना मान्यता देण्याचे अथवा मान्यता काढून घेण्याचे काम ‘एमसीआय’ करते. भारतात एमबीबीएस अभ्यासक्रमांना प्रवेश घेताना संबंधित कॉलेजांना ‘एमसीआय’ची मान्यता आहे की नाही याची खात्री करून घ्या. तसेच परदेशातीळ वैद्यकीय अभयसक्रमांना प्रवेश घेण्यापूर्वी त्या देशातील वैद्यकीय अभ्यासक्रमांना ‘एमसीआय’ची मान्यता आहे की नाही याविषयी खात्री करून घ्या.

​www.nmc.org.in/

(वाचा : Online Career Opportunities: वर्क फ्रॉम होमसाठी ‘व्हर्चुअल वर्ल्ड’ मधील पर्याय, कोणत्या क्षेत्रात मिळवाल संधी )​