सावनेरमध्ये देशमुख बंधुंच्या लढतीचा सुनील केदार यांच्या पत्नीला फायदा होणार?

सध्या या मतदारसंघाची संपूर्ण राज्यात चर्चा आहे. २०१४ मध्ये देशमुख काका-पुतण्यांनी निवडणूक गाजवली होती. तर आता भाजपचे उमेदवार डॉ. आशिष देशमुख यांच्या विरोधात त्यांचे सख्खे भाऊ डॉ. अमोल देशमुख रिंगणात उतरले आहेत. त्यामुळे ही निवडणूक अत्यंत चुरशीची झाली. तर, काँग्रेसकडून नेते सुनील केदार यांच्या पत्नी अनुजा केदार या लढत आहेत.

जिल्हा बँक घोटाळा प्रकरणात शिक्षा झाल्याने सुनील केदार यांना निवडणूक लढवता आली नाही. त्यामुळे त्यांच्या पत्नी अनुजा केदार यांना काँग्रेसने तिकीट दिलं. तर, सुनील केदार यांचं साम्राज्य हलवण्यासाठी भाजपने डॉ. आशिष देशमुख यांना पुन्हा एकदा संधी दिली आहे.

कारण, २००९ च्या निवडणुकीत देशमुखांनी सुनील केदार यांन चांगलाच घाम फोडला होता. त्या निवडणुकीत अवघ्या ३,४७२ मतांनी केदार विजयी झाले होते. त्यामुळे यंदाच्या निवडणुकीत आशिष देशमुख यांच्याकडे जिंकण्याची चांगली संधी आहे. त्यामुळे सावनेर मतदारसंघातील लढत अत्यंत लक्षवेधी ठरली आहे. या मतदारसंघातून १९ उमेदवार निवडणुकीच्या रिंगणात आहेत.