कार्तिकने स्वत:च्याच चित्रपटाचा रेकॉर्ड मोडला,वाचा सत्यप्रेम की कथाचे ५ व्या दिवसाचे कलेक्शन

मुंबई- कार्तिक आर्यन आणि कियारा अडवाणी यांचा नुकताच प्रदर्शित झालेला ‘सत्यप्रेम की कथा’ हळूहळू बॉक्स ऑफिसवर चांगली कामगिरी करत आहे. या चित्रपटाने चार दिवसांत ३८.५० कोटींची कमाई केली असतानाच आता पहिल्या सोमवारच्या कमाईचे आकडाही समोर आला आहे. पाचव्या दिवशी या चित्रपटाने आतापर्यंतची सर्वात कमी कमाई केली आहे.

बॉक्स ऑफिसवरील कमाईचे आकडे शेअर करणार्‍या साइट सॅकनिल्कच्या अहवालात असे सांगण्यात आले आहे की चित्रपटाने पाचव्या दिवशी म्हणजे पहिल्या सोमवारी केवळ ४ कोटींची कमाई केली. वीकेंडच्या दिवसांमुळे ही कमाई नक्कीच कमी होती, पण कार्तिक आर्यनच्या नुकत्याच आलेल्या ‘शेहजादा’ चित्रपटाशी तुलना केली असता ही कमाई खूपच चांगली आहे. ‘शेहजादा’ने पहिल्या सोमवारी फक्त २.२५ कोटींची कमाई केली होती. तो चित्रपटाचा चौथा दिवस होता.
Baipan Bhari Deva Box Office Collection: त्या सहाजणी बॉलीवूडला भिडल्या! ‘बाईपण भारी देवा’ची दणदणीत कमाई
५ दिवसांतील ‘सत्यप्रेम की कथा’ ची कमाई

सत्यप्रेम की कथा ५ दिवसांचे बॉक्स ऑफिस कलेक्शन: ‘सत्यप्रेम की कथा’ गुरुवारी प्रदर्शित झाल्यापासून, पहिला सोमवार हा चित्रपटाचा पाचवा दिवस आहे. कार्तिकच्या या नव्या चित्रपटाने ५ दिवसांत एकूण ४२.५० कोटींची कमाई केली आहे.
‘तुझेच मी गीत गात आहे’मध्ये प्रियाची जागा घेणार लोकप्रिय अभिनेत्री; गाजवलंय मराठी बिग बॉस ४
बॉक्स ऑफिसवर कामगिरी करण्याची चांगली संधी

समीर विद्वांस दिग्दर्शित, या चित्रपटात कार्तिक आर्यन, कियारा अडवाणी, गजराज राव, राजपाल यादव, सुप्रिया पाठक, शिखा तलसानिया यांच्या प्रमुख भूमिका आहेत. सुमारे ६० कोटींच्या बजेटमध्ये बनलेला हा चित्रपट देशभरातील सुमारे २००० स्क्रीन्सवर प्रदर्शित झाला आहे. ‘आदिपुरुष’ने आपले बस्तान उठवल्यामुळे या चित्रपटाला बॉक्स ऑफिसवर कामगिरी करण्याची अजून चांगली संधी आहे.