Jio चे दोन स्वस्तात मस्त प्लान झाले लाँच, डेटा आणि कॉलिंगचं वर्षभर टेन्शनचं नाही

नवी दिल्ली : Jio Special Recharge Plans : आघाडीची टेलिकॉम कंपनी जिओने नुकतेच दोन नवीन रिचार्ज प्लान लाँच केले आहेत. हे रिचार्ज प्लान १२३ रुपये आणि १२३४ रुपयांमध्ये येतात. या रिचार्ज प्लानला “जिओ भारत” रिचार्ज प्लान असे नाव देण्यात आले आहे. महत्त्वाचं म्हणजे हे दोन्ही रिचार्ज प्लान खास Jio च्या लेटेस्ट लाँच फोन “Jio Bharat V2” साठी सादर करण्यात आले आहेत. या दोन्ही प्लानमध्ये डेटा आणि कॉलिंग सुविधा उपलब्ध आहे. कंपनीचा दावा आहे की दोन्ही प्लान बाकीच्या प्लानच्या तुलनेत 30 टक्के स्वस्त आहेत. तसेच या प्लान्समध्ये ७ पट जास्त डेटा दिला जातो.

Jio bharat v2 फोनची किंमत आणि खास प्लान्स
Jio Bharat V2 फोन रिलायन्स जिओने लॉन्च केला आहे, ज्याची किंमत ९९९ रुपये आहे. या प्लानद्वारे यूजर्स १२३ रुपये आणि १२३४ रुपयांचे प्लान रिचार्ज करू शकतील. यातील १२३ रुपयांच्या प्लानमध्ये १४ जीबी इंटरनेट मिळत असून यूजर्सना २८ दिवसांची वैधता मिळते. म्हणजेच दररोज ०.५ जीबी डेटा मिळेल. तसेच, हा प्लान अमर्यादित व्हॉइस कॉलिंगच्या सुविधेसह येतो. तर इतर टेलिकॉम ऑपरेटर्स १७९ रुपयांमध्ये व्हॉइस कॉलिंगसह २ जीबी डेटा देतात.

जिओ भारत १२३४ रुपयांचा प्लॅन
या प्लानमध्ये युजर्सना दररोज ०.५ जीबी डेटा दिला जातो. अशा प्रकारे, या प्लानमध्ये एकूण १२८ जीबी डेटा उपलब्ध आहे. यासोबतच या प्लानमध्ये फ्री व्हॉईस कॉलिंगची सुविधाही उपलब्ध आहे. जर हा वार्षिक प्लान असेल तर यूजर्सना या प्लानमध्ये ३५६ दिवसांची वैधता मिळेल. तर महत्त्वाची गोष्ट म्हणजे हे दोन्ही रिचार्ज प्लॅन खासकरून जे वापरकर्ते Jio फोन वापरतात, तसेच ज्यांचा डेटा वापर कमी आहे त्यांच्यासाठी आहे.

वाचा : नॉन वेरिफायड युजर्सना Twitter चा धक्का, आता आणखी एक सुविधा वापरण्यासाठी आकारणार पैसे

वाचा: UPI ने पेमेंट करताना सारखं फेल होतंय? ‘या’ सोप्या स्टेप्स करा फॉलो