Xiaomi 14 Pro+ च्या लाँचिंगआधीच फीचर्स झाले लीक, दमदार प्रोसेसरसह जबरदस्त फीचर्स

नवी दिल्ली : चीनची स्मार्टफोन निर्माता कंपनी Xiaomi एका लेटेस्ट स्मार्टफोनवर काम करत असून हा फोन Xiaomi 14 सीरीज अंतर्गत लाँच केला जाऊ शकतो. Xiaomi 14 Pro+ चीनच्या बाजारात नोव्हेंबर महिन्यात लाँच केला जाऊ शकतो. दरम्यान या फोनच्या मॉडेलचे नाव आणि फीचर्सची माहिती लीक झाली आहे.

Xiaomi 14 Pro+ कोडनेम झाले लीक
एका टिपस्टरने अलीकडेच एका Weibo पोस्टद्वारे Xiaomi 14 आणि Xiaomi 14 Pro स्मार्टफोन्सची कोडनेम लीक केली. Xiaomi 14 चे सांकेतिक नाव Houji असू शकते आणि Xiaomi 14 Pro चे सांकेतिक नाव Shennong असू शकते. आता त्याच टिपस्टरने Xiaomi 14 Pro+ चे कोडनेम देखील लीक केले आहे. या मॉडेलचे नाव अरोरा असू शकते. हे कोडनेम रोमन पौराणिक कथांवर आधारित आहे. Xiaomi ने यापूर्वी ग्रीक पौराणिक कथांवर आधारित सांकेतिक नावे वापरली आहेत.

Xiaomi 14 Pro+ चे संभाव्य फीचर्स
Xiaomi 14 आणि Xiaomi 14 Pro च्या लीक फीचर्सबद्दल बोलायचे झाले तर हा फोन Snapdragon 8 Gen 3 चिपसेट ने सुसज्ज असू शकतो. फोनमध्ये ट्रिपल रियर कॅमेरा सेटअप देखील दिला जाण्याची शक्यता आहे. याआधी Xiaomi 14 आणि Xiaomi 14 Pro बद्दल अनेक बातम्या समोर आल्या आहेत, पण आता Xiaomi 14 Pro Plus आणि Ultra मॉडेल्सबद्दल काही माहिती समोर आली आहे.

प्रो प्लस मॉडेल या वर्षी Xiaomi 14 मालिकेसोबत लाँच केले जाऊ शकते. त्याच वेळी, अल्ट्रा मॉडेल पुढील वर्षाच्या सुरुवातीला लाँच केले जाऊ शकते. एका रिपोर्टनुसार, Xiaomi 14 चे मॉडेल नंबर 23127PN0CC आणि 23127PN0CG असू शकतात. Xiaomi 14 Pro चे मॉडेल क्रमांक 23116PN5BC आणि 23116PN5BG असू शकतात.

वाचा :Online Scam : जास्त पैसे कमावण्याच्या नादात बसला लाखोंचा गंडा, एक क्लिक आणि खात्यातून ९.३५ लाख गायब