आता पैशांचा नोटिफिकेशनसह गाणीही वाजणार, Paytm म्युझिक साउंडबॉक्स भारतात लाँच, पाहा खास फीचर्स

By tejpolicetimes On Aug 2, 2023

नवी दिल्ली : वाढत्या डिजीटलायजेशनमुळे सर्वकाही ऑनलाईन होत आहे. आजकाल अगदी चहाच्या टपरीपासून ते मॉलमधील दुकानांत आपण युपीआयने ऑनलाई पेमेंट करत असतो. त्यात अनेकजागी पेटीएमने पेमेंट केल्यावर साऊंड नोटिफिकेशन येण्यासाठी खास साऊंडबार ठेवलेले असतात. आता पेटीएमने या साऊंडबारला आणखी अपग्रेड केलं असून पेटीएम पॉकेट साउंडबॉक्स हे पहिले पोर्टेबल उपकरण देखील आले आहे. तसेंट पेटीएम म्युझिक साउंडबॉक्स स्पीकर देखील आले असून हे नोटिफिकेशनसोबत एखाद्या म्युझिक साऊंडबारप्रमाणे काम करणार आहे.

पेटीएमने पॉकेट साउंडबॉक्स आणि पेटीएम म्युझिक साउंडबॉक्स नुकतेच लाँच केले आहेत. ही 4G एनाबेल्ड पेमेंट प्रणाली आहे. पेटीएम पॉकेट साउंडबॉक्स हे अशा प्रकारचे पहिले पोर्टेबल उपकरण आहे. पेटीएम साउंडबॉक्स सध्या मार्केटमध्ये उपलब्ध आहे. पण त्यात म्युझिकचा पर्याय अजून उपलब्ध नाही. पण आता पेटीएमने एक नवा पॉकेट साउंडबार लाँच केला आहे. ज्यामध्ये म्युझिकही ऐकता येणार आहे.

तब्बल ५ दिवसांची बॅटरी लाइफ मिळेल
पेटीएम साउंडबॉक्स तुमच्या खिशात सहज बसेल. या पेटीएम साउंडबॉक्सचा आकार अगदी डेबिट कार्डइतका लहान आहे. त्यामुळे हा कॅरी करायला अगदी सोपा आहे. यामुळे पेमेंटच्या कामांना अधिक वेग येईल. हा साउंडबार वापरकर्त्यांना झटपट पेमेंटचा ऑडिओ अलर्ट देतो. याची बॅटरी ५ दिवसांची आहे. यात 4G कनेक्टिव्हिटी आहे. त्याचप्रमाणे जर तुमच्याकडे कमी प्रकाश असेल तर त्यात एक टॉर्च उपलब्ध आहे, ज्याचे पैसे सहज मिळू शकतात.

पेमेंट नोटिफिकेशनसह म्युझिकचीही मजा घेता येणार
पेटीएम म्युझिक साउंडबॉक्स स्पीकर म्हणून देखील काम करतो. म्हणजे हा पेमेंट झाल्यासंबधी नोटिफिकेशन देईल आणि सोबतच ब्लूटूथच्या मदतीने फोनशी कनेक्ट करून म्युझिक सिस्टम म्हणूनही काम करेल. याला 4G कनेक्टिव्हिटीही सपोर्डेट आहे. यात ४ वॅटचा पॉवरफुल स्पीकर उपलब्ध असेल. पेटीएम साउंडबार व्हॉईस ओव्हरले फीचरसह येतो जो वापरणाऱ्यांना म्युझिक चालू असताना देखील पेमेंट सूचना ऐकण्यास मदत करतो. त्यामुळे तुम्ही या साऊंडबारचा वापर करुन पेमेंट नोटिफिकेशनसह म्युझिकचीही मजा घेऊ शकता.

वाचा : सावध व्हा! आजकाल मोबाईल नंबर आणि लोकेशनच्या मदतीने होत आहे ऑनलाईन फ्रॉड, वाचा नेमकं प्रकरण काय?

Source link